[A:༥༡]གྲངས་ལས་འདས་ཤིང་། ཚུལ་ཁྲིམས་དག་པའི་རྒྱུ་མཚན་གྱིས་བསྙེན་རྫོགས་ཀྱི་སྡོམ་པ་ཞུས་པ་ཡང་ཁྲི་ཁྲག་བརྒལ། རྩོད་པའི་དུས་ཀྱི་རྡོ་རྗེ་འཆང་ཞེས་གྲགས། མཁས་ཤིང་དངོས་གྲུབ་བརྙེས་པའི་ཞལ་སློབ་ཀྱང་བསམ་གྱིས་མི་ཁྱབ་པས་སྟོད་སྨད་བར་གསུམ་དུ་དགོན་ལག་བརྒྱ་ཕྲག་འགའ་ཤས་ཡོད། དེའི་གདན་ས་དང་པོ་མུས་ཆེན་འཁོར་ལོ་སྡོམ་པ་ནས་བཟུངས་ད་ལྟའི་བླ་ཁག་བཞིའི་མཁན་ཆེན་ཞལ་བཞུགས་རྣམས་ཀྱི་བར་མཁན་རབས་དྲུག་ཅུ་རེ་དགུ་གསུམ་ལྡན་འདུལ་བ་འཛིན་པ་ཤ་སྟག་བྱོན་པས་རྗེ་ངོར་པའི་བཞུགས་ཁྲིའི་སྟེང་ནས་ལོ་ལྟར་ལམ་འབྲས་ཆག་མེད་དུ་གནང་བས་མཚོན་གཏན་བཞུགས་དགེ་འདུན་ལྔ་བརྒྱ་སྐོར་དང་ལོ་ལྟར་ཕྱོགས་ཀུན་ནས་འདུས་པ་ཤིན་ཏུ་མང་ཞིང་བསྟན་པ་བཀུར་བསྟི་བཅས་པས་དར་རྒྱས་ཆེ། གདན་ས་འོག་མ་རྩེད་གདོང་ནི། འཇམ་དབྱངས་ནམ་མཁའ་བཀྲིས་ཀྱིས་རབ་བྱུང་བརྒྱད་པའི་ས་མོ་བྱ། ཕྱི་ལོ་ ༡༤༨༩ ལོར་ཕྱག་བཏབ་དུས་མཆོད་བླ་བྲང་གི་གདུང་རབས་རྣམས་ཀྱིས་བསྐྱངས། ཁྲི་