[A:༥༧]སངས་རྒྱས་འཕེལ་གྱིས་རབ་བྱུང་བརྒྱད་པའི་ས་སྦྲུལ། ཕྱི་ལོ་ ༡༤༤༩ ལོར་བཏབ་ཅིང་མཚན་ཉིད་ཀྱི་གྲྭ་ས་ཆེན་པོར་གྱུར། གཞི་གསུམ་བཤད་གྲྭ་སོགས་རྒྱ་ཆེ་ཡོད་ཅིང་། སྡེ་སྣོད་སྨྲ་བའི་བུ་སློབ་འཇམ་དབྱངས་ཀུན་དགའ་ཆོས་བཟང་གིས་གདན་ས་བསྐྱངས། གཞན་ཡང་གསུང་ལས་སྐྱེས་པའི་མཁས་པའི་ཚོགས་ཀྱིས་ས་ཀུན་ཁེབས་པ་ལྟ་བུར་གྱུར་ཏེ་དེ་ཡང་མདོ་སྔགས་གཉིས་ཀ་ལ་མཁས་པ་ཀུན་མཁྱེན་གོ་རམ་པས་རྟ་ནག་ཐུབ་བསྟན་རྣམ་རྒྱལ་གླིང་རབ་བྱུང་བརྒྱད་པའི་ས་བྱི། ཕྱི་ལོ་ ༡༤༧༨ ལོར་ཉམས་གསོས་ཀྱིས་ཕྱག་བཏབ། ཆོས་རྗེ་འདི་རབ་བྱུང་བདུན་པའི་ས་བྱ་ལོར་འཁྲུངས། རོང་སྟོན་རབ་སྲས། ངོར་ཆེན་སོགས་མཁས་གྲུབ་མང་པོ་བསྟེན་པས་མཁས་པའི་རྩེར་སོན། ས་སྐྱའི་རྗེ་བཙུན་གོང་མའི་གསུང་རབ་རྩལ་དུ་ཐོན་པའི་ཕྲིན་ལས་ཆེ་བར་བྱུང་། ས་སྐྱ་ལྷ་ཁང་ཆེན་མོའི་བཤད་གྲྭའི་རྒྱུན་ཡང་འདི་ཉིད་ལས་བྱུང་བ་ཡིན། དེང་མཁན་ཆེན་བུདྷའི་བར་གཞུང་ལུགས་