[A:༧༢]གྲངས་མེད་བྱོན་པ་རྣམས་ཀྱིས་འཆད་རྩོད་རྩོམ་གསུམ་གྱི་མཛད་པ་རྒྱ་ཆེན་པོའི་སྒོ་ནས་རྒྱལ་བསྟན་ཡོངས་རྫོགས་འདེགས་པའི་སྲོག་ཤིང་ལྟ་བུར་གྱུར་པས་ཕྱག་རྗེས་ཆེ་ཞིང་། ལུང་སྡེ་སྣོད་གསུམ་དང་། ཉམས་ལེན་བསླབ་པ་གསུམ་གྱི་གནད་མཐའ་དག་ལ་འཆོལ་བར་མི་སྤྱོད་པ་ཆོས་དང་ཆོས་མིན་རྣམ་འབྱེད་སྡོམ་གསུམ་རབ་དབྱེ་ཁ་སྐོང་སོགས་དཔྱད་པ་ཆེ་བས་མཚོན་མདོ་སྔགས་གང་གི་གནད་ལ་ཡང་དགོངས་གཞི་དགོས་པ་མཐའ་དག་ལུང་རིག་ཟབ་མོས་ཐུབ་པའི་དགོངས་པ་ཇི་བཞིན་འགལ་དང་མ་འབྲེལ་མེད་པའི་ཕྲ་ཞིབ་སོ་སོར་ཕྱེས་ཤིང་དེ་དག་ཀྱང་ཉམས་ལེན་གཅིག་གི་ཐོག་ཏུ་བསྒྲིལ་ཐུབ་པས་བསྟན་པ་ཐམས་ཅད་ནང་འགལ་མེད་དུ་རྟོགས། གཞུང་ལུགས་ཐམས་ཅད་གདམས་པར་ཤར་བའི་ལམ་གྱི་གནད་འགག་གཅིག་ཏུ་བསྡོམས་ཐུབ་པ་སོགས་མདོ་སྔགས་གང་གི་སྐབས་སུ་ཡང་བརྒྱུད་པའི་མན་ངག་འཁྲུལ་མེད་སྐྱོང་བས་གཟུར་གནས་མཁས་དབང་འབུམ་གྱིས་བརྟག་ཀྱང་མི་འཕྲོག་ཡིད་ཆེས་ཀྱི་དད་