[A:72]grangs med byon pa rnams kyis 'chad rtsod rtsom gsum gyi mdzad pa rgya chen po'i sgo nas rgyal bstan yongs rdzogs 'degs pa'i srog shing lta bur gyur pas phyag rjes che zhing / lung sde snod gsum dang / nyams len bslab pa gsum gyi gnad mtha' dag la 'chol bar mi spyod pa chos dang chos min rnam 'byed sdom gsum rab dbye kha skong sogs dpyad pa che bas mtshon mdo sngags gang gi gnad la yang dgongs gzhi dgos pa mtha' dag lung rig zab mos thub pa'i dgongs pa ji bzhin 'gal dang ma 'brel med pa'i phra zhib so sor phyes shing de dag kyang nyams len gcig gi thog tu bsgril thub pas bstan pa thams cad nang 'gal med du rtogs/ gzhung lugs thams cad gdams par shar ba'i lam gyi gnad 'gag gcig tu bsdoms thub pa sogs mdo sngags gang gi skabs su yang brgyud pa'i man ngag 'khrul med skyong bas gzur gnas mkhas dbang 'bum gyis brtag kyang mi 'phrog yid ches kyi dad