[A:15]bder gnas so/ de'i nub mo mnal lam du bdag med mas/ rigs kyi bu tshul bzhin ma yin pa'i spyod pa de lta bu byed pa ma legs/ phreng ba longs/ bshags sdom dang sgrub pa tshul bzhin gyis/ khyod kyi las bsags pa'i lha nga yin pas ngas byin gyis brlab bo zhes lung bstan/ nyi shu gsum gyi nub mo rdo rje bdag med ma lha mo bco lnga'i dkyil 'khor dngos su byon te dbang bzhi rdzogs par bskur bas sa dang po mthong lam gyi ye shes mngon du gyur/ de ltar dbang bzhi rdzogs par bskur bas dbang gi chu bo ma nub pa/ dbang dus su mthong lam gyi ye shes mngon du gyur pas byin rlabs kyi brgyud pa ma nyams/ sngar byung ba'i rtsub nyams de dag khams 'dus pa gsum gyi ting nge 'dzin gyi drod rtags yin 'dug pa bla ma dam pa'i gsung gis ma zin pa nyams snang de ngo ma shes par skyon du bzung pa der rdo rje bdag med ma'i gdams ngag gis ting nge 'dzin du ngo shes pas gegs dang bar chad rang sar grol te 'dus pa