[A:16]gsum gyi rtogs pa go rim ma 'chol ba thugs la 'khrungs pas gdams ngag gis sa rga ma log pa/ rgyu mtshan des rdzogs pa'i sangs rgyas kyi ye shes chos sku'i rang gzugs rdo rje bdag med ma la mi ldog pa'i dad pa nges shes khyad par can 'khrungs pas mos gus kyi bsam pa tshim pas snyan brgyud bzhi ldan du gyur/ ye shes de'i rgyun bskyangs pas zhag re la sa re'i rtogs pa na 'phar te nyi shu dgu'i nub mo sa drug pa la bzhugs pa'i byang chub sems dpa' chen por gyur te// de ltar rtogs pa bskyangs shing bzhugs pa'i tshe/ mthong tshul ya mtshan pa sna tshogs byung bas kun the tshom du gyur/ de'i tshe rang nyid ngan par zhal gyis bzhes nas 'jig rten kun 'dar gyi spyod pa mdzad pas gnas nas dbyung bar/ kye ma dge 'dun bzang po rnams zhes glu blangs/ de nas wa ra Na sar byon pa'i lam chu bo gangga'i rtsar byon te nga ngan pa yin pas khyod la reg tu mi btub pas lam thongs shig gsungs pas gangga gyen du log