[A:47]mtshan nyid sa lugs dang / sngags bu lugs gtso bor mdzad pa 'jam mgon bla ma rang nyid kyi rnam thar las byung ba sogs gangs ljongs su byon pa'i mkhas grub phal mo che dngos dang brgyud pa'i sgo nas sa skya pa'i slob rgyun du ma gtogs pa med pa gzur gnas spyod ldan yongs kyi spyod yul du gyur/ gzhung bshad pod chen lnga'i bshad srol la sngar sa dge'i mtshan nyid pa rnams kyi gsung rgyun du/ phar phyin g.yag la thug dbu ma red la thug tshad ma nya la thug 'dul ba bya la thug mdzod brang ti'am mchims la thug ces grags pa'i dge ba'i bshes gnyen chen po de dag phal cher sa skya'i chos brgyud 'dzin pa sha stag yin pas/ de dag gis rgyal bstan dar rgyas su spel ba'i drin las deng sang gi bar ris su ma chad pa'i chos grwa rnams su gzhung lugs mtha' dag la 'chad rtsod rtsom gsum khyab brdal rgya che byung ba yin zhing / lhag par sa skya'i mkhas pa gangs can mdzes pa'i rgyan drug tu grags