[A:64]ston rin po che'i khri la zhabs pad bkod cing / snga phyir gsar rnying ris med kyi dam pa drug cu rtsa gsum bsten nas gangs ljongs su zab don yod do cog gi mtshon thun min nyams len sgrub pa'i gdams pa zab mo mtha' dag gi bka' babs/ snyigs dus kyi rdo rje 'chang gnyis par gyur te mkhan chen mkhyen brtse'i dbang phyug dang / kun mkhyen klu sgrub rgya mtsho rnam gnyis kyis gtsos tshar pa'i brgyud 'dzin mkhas grub chen po dang / gzhan yang grub mtha' ris su ma chad pa'i zhal slob grangs med byon pas thugs nyams su bstar cing zung 'jug grub pa'i go 'phangs mthon por bsnyegs pa de dag gis gdams pa'i rgyun mi nub par bzung ste tshar lugs thun mong ma yin pa zhes 'bur du dod pa'i lugs srol gnas bzhin pa 'di'o// tshar chen yab sras kyi dngos slob khyab bdag dbang phyug rab brtan gyi thugs sras bka' 'gyur ba chen po mgon po bsod nams mchog ldan/ de'i zhal slob kyi gtso bo khyab bdag zhwa