[A:༦༤]སྟོན་རིན་པོ་ཆེའི་ཁྲི་ལ་ཞབས་པད་བཀོད་ཅིང་། སྔ་ཕྱིར་གསར་རྙིང་རིས་མེད་ཀྱི་དམ་པ་དྲུག་ཅུ་རྩ་གསུམ་བསྟེན་ནས་གངས་ལྗོངས་སུ་ཟབ་དོན་ཡོད་དོ་ཅོག་གི་མཚོན་ཐུན་མིན་ཉམས་ལེན་སྒྲུབ་པའི་གདམས་པ་ཟབ་མོ་མཐའ་དག་གི་བཀའ་བབས། སྙིགས་དུས་ཀྱི་རྡོ་རྗེ་འཆང་གཉིས་པར་གྱུར་ཏེ་མཁན་ཆེན་མཁྱེན་བརྩེའི་དབང་ཕྱུག་དང་། ཀུན་མཁྱེན་ཀླུ་སྒྲུབ་རྒྱ་མཚོ་རྣམ་གཉིས་ཀྱིས་གཙོས་ཚར་པའི་བརྒྱུད་འཛིན་མཁས་གྲུབ་ཆེན་པོ་དང་། གཞན་ཡང་གྲུབ་མཐའ་རིས་སུ་མ་ཆད་པའི་ཞལ་སློབ་གྲངས་མེད་བྱོན་པས་ཐུགས་ཉམས་སུ་བསྟར་ཅིང་ཟུང་འཇུག་གྲུབ་པའི་གོ་འཕངས་མཐོན་པོར་བསྙེགས་པ་དེ་དག་གིས་གདམས་པའི་རྒྱུན་མི་ནུབ་པར་བཟུང་སྟེ་ཚར་ལུགས་ཐུན་མོང་མ་ཡིན་པ་ཞེས་འབུར་དུ་དོད་པའི་ལུགས་སྲོལ་གནས་བཞིན་པ་འདིའོ།། ཚར་ཆེན་ཡབ་སྲས་ཀྱི་དངོས་སློབ་ཁྱབ་བདག་དབང་ཕྱུག་རབ་བརྟན་གྱི་ཐུགས་སྲས་བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། དེའི་ཞལ་སློབ་ཀྱི་གཙོ་བོ་ཁྱབ་བདག་ཞྭ་