[A:70]mdo smad a mdo rnga ba'i nang chos rje chos grags bzang pos phyag btab pa'i dhI phu chos rjer grags pa'i mdo sngags kyi gra tshang chen po dge 'dun stong longs pa dang / de la khongs gtogs dgon lag brgya dang brgyad sogs yod/ mdor na stod la dwags rgya bal mnga' ris nas smad tsi na'i yul mgo thon zhes pa'i bar sa lugs kyi chos sde che phra stong phrag 'ga' shas mchis pa'i mtshan gyi rnam grangs ni smos kyi mi lang ngo/
bzhi pa/ lugs de mchog tu dge ba'i khyad par 'phags tshul brjod pa ste/ mdo las dge slong dag gam mkhas rnams kyis/ /bsregs bcad brdar ba'i gser bzhin du/ /legs par brtag la nga yi bka'/ /blang bar bya yi gus phyir min/ /zhes pa ltar rje btsun gong ma de rnams kyis mdo sngags kyi chos tshul gang dang gang la yang tshong 'dus kyi zong bzhin du gang byung thugs 'phrad mi mdzad par/ thog mar gang las brgyud