[A:nya]
dang / /nges don dag snang kun tu khyab phyir ngag gi rol mo cung zhig 'khrol/ /zhes pas sngon bsus nas skabs su gleng ba/ gzhi dang snying po me tog gi brgyan pa'i 'jig rten gyi khams 'dir thub pa chen po rnam par snang mdzad ye shes gangs chen mtsho'i rnam par rol pa du mas sems can gyi don mdzad pa na sangs rgyas kyis 'dul ba la sangs rgyas kyi sku du ma dang / de bzhin byang sems/ nyan rang / lha klu/ mi 'am ci/ 'khor los bsgyur rgyal/ rgyal po rgyal phran/ dmag dpon blon po/ dge sbyong / bram ze/ khyim bdag sogs gang la gang 'dul gyi 'gro don mdzad pa yin la/ mi mjed 'jig rten gyi khams 'dir skal ba bzang po 'di la sangs rgyas stong gi rnam par sprul nas 'gro ba du ma'i don mdzad pa las/ rtsod pa'i dus 'dir sangs rgyas gzhan gyis gdul byar ma gyur pa'i dmu rgod 'gro ba rnams kyi don du bdag cag gi ston pa sangs rgyas bcom ldan 'das