[A:ཉ]
དང་། །ངེས་དོན་དག་སྣང་ཀུན་ཏུ་ཁྱབ་ཕྱིར་ངག་གི་རོལ་མོ་ཅུང་ཞིག་འཁྲོལ། །ཞེས་པས་སྔོན་བསུས་ནས་སྐབས་སུ་གླེང་བ། གཞི་དང་སྙིང་པོ་མེ་ཏོག་གི་བརྒྱན་པའི་འཇིག་རྟེན་གྱི་ཁམས་འདིར་ཐུབ་པ་ཆེན་པོ་རྣམ་པར་སྣང་མཛད་ཡེ་ཤེས་གངས་ཆེན་མཚོའི་རྣམ་པར་རོལ་པ་དུ་མས་སེམས་ཅན་གྱི་དོན་མཛད་པ་ན་སངས་རྒྱས་ཀྱིས་འདུལ་བ་ལ་སངས་རྒྱས་ཀྱི་སྐུ་དུ་མ་དང་། དེ་བཞིན་བྱང་སེམས། ཉན་རང་། ལྷ་ཀླུ། མི་འམ་ཅི། འཁོར་ལོས་བསྒྱུར་རྒྱལ། རྒྱལ་པོ་རྒྱལ་ཕྲན། དམག་དཔོན་བློན་པོ། དགེ་སྦྱོང་། བྲམ་ཟེ། ཁྱིམ་བདག་སོགས་གང་ལ་གང་འདུལ་གྱི་འགྲོ་དོན་མཛད་པ་ཡིན་ལ། མི་མཇེད་འཇིག་རྟེན་གྱི་ཁམས་འདིར་སྐལ་བ་བཟང་པོ་འདི་ལ་སངས་རྒྱས་སྟོང་གི་རྣམ་པར་སྤྲུལ་ནས་འགྲོ་བ་དུ་མའི་དོན་མཛད་པ་ལས། རྩོད་པའི་དུས་འདིར་སངས་རྒྱས་གཞན་གྱིས་གདུལ་བྱར་མ་གྱུར་པའི་དམུ་རྒོད་འགྲོ་བ་རྣམས་ཀྱི་དོན་དུ་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་