[B:4b]brtan po thugs dam gyi nyams rtogs bzang po skyes pa dang / gcod skor gsan pas slongs tshad drag po byung dus thugs dam la rtse gcig tu bsgril bas tshar tshad yang dag pa byung / chos rje 'jag pa la khrid gsan pas mnal lam 'byong zhing / dbang thob pa byung pa dang / bla ma spo lha ba la zhi byed gsan dus thugs dam gyi rtogs pa 'khrungs pa dang / bla ma rin chen rgyal mtshan pa la snyan rgyud gsan dus rtsa rlung gi yon tan thugs rgyud la skyes pa dang / 'jam dbyangs rin rgyal ba la lam 'bras/ gsang 'dus la sogs khrid bka' gsan dus thugs dam gyi rtogs pa khyad par can thugs la 'khrungs pa dang / blo sbyong gsan pas byams snying rje byang chub kyi sems rgyud la mnga' ba la sogs pa nang gi mngon par rtogs pa bsam gyis mi khyab pa yod pa 'dra na'ang / bsten yun thung bas ji lta ba bzhin zhu ba ma spobs/ bde mchog gshed dmar/ 'khor chen/ rdo rje rnal 'byor ma rnams la thugs dam gyi gtso bor mdzad/ bsnyen pa dang sgrub pa mthar phyin par mdzad/ gzhan yang thugs dam gyi lha rnams la bsnyen sgrub bzhi rdzogs rgyun du ma chag par mdzad/ mahA kA la phyag drug pa la thugs dam gyi mthil mdzad pas bka' bzhin phrin las bsgrub/ gnas chen zab phu lung du bye ma'i dka' thub mdzad/ gnyan khrod 'grims pas thugs dam gyi bogs phun sum [A:103]tshogs pa brtan pa thob pa byung