[A:79]ka nas ye shes kyi me phyung ste/ zhag bdun lon nas brgya byin 'ongs pa dang me rang zhi ste/ mya ngan 'das pa'i mdo las/ de bzhin gshegs pa'i ring srel spur sgrom ni/ /gyad kun log ste bteg kyang bskyod ma nus/ /thugs rje chen po'i shugs kyis 'phags nas ni/ /mkha' la rtswa mchog grong khyer bskor zhing gshegs| |rdo rje lta bur mi 'jigs dbang bsgyur nus/ /thams cad mes ni bzhen par ma gyur te/ /thugs kha nas ni byams pa'i me byung nas/ /zhag bdun bar du bzhen par gyur par bstan/ /zhes so/ /de nas so sos ring bsrel la bstod par chas pa na/ ma 'gag pas ras kyi dum bu dang shing bal thams cad bgos nas byin pa dang ma ga dhA'i khal phyed shong ba'i bse sgrom brgyad ring bsrel gyis bkang nas/ mchod pa byas te/ bsdu ba'i tshigs su bcad pa gsungs pa/ ser skya'i grong du shAkya'i rigs/ /yangs pa can gyi li tstsha byi/ / mnyam ka'i grong du ma skyes dgra/ /'gro na'i grong du 'gro na'i rigs/ /batsa'i gnas kyi ma la dang / /ka la tha yi bu lu ka /rA ma'i grong du kro dha ka /biShNu dwI pa'i bram ze'o/ /thub chen
'di dbang po/
mche ba bzhi gcig lha/ /gandha ra ga rab dga'i grong / /ka lingka yi rgyal po khab/ /rA ma'i grong du klu rgyal po/ /mche ba gcig srin po myur pa gnyis kyis brkus te khyer ro/ /zhes kyang 'byung ngo / /lung phran tshegs las/ lha'i tshigs bcad/ ser skyar skyes nas mnyam kar byang chub ste| |ka shir chos kyi 'khor lo rab tu bskor/ /la lar snying rje ldan pa shes rab mchog /rtswa can grong du gshegs nas mya ngan 'das/ /zhes so/ /slob dpon klu sgrub kyis gnas chen po brgyad la bstod pa'i rjes su 'brang nas