[A:78]la bkod de/ re zhig 'os su gyur pa'i gdul bya zad pas bzhugs pa'i don med pa dang / skyes pa'i mtha' bstan pa dang / 'khor ba las yid dbyung ba dang / sku gdung la sogs la mchod pas gdul ba'i phyir/ rtswa mchog gi grong khyer gyad stobs po che 'byung pa'i gnas/ shing sA la zung gi tshal chu bo ba ti ha ri'i 'gram du bsam gtan bzhi la snyoms par zhugs nas/ bud shing zad pa'i me bzhin du 'da' ba'i tshul bstan gyis dngos su ni ma yin no/ / theg bsdus las/ la lar rdzogs pa'i byang chub ston/ /la lar me bzhin mya ngan 'das/ /nam yang med pa ma yin te/ /de bzhin gshegs pa rtag pa'i shing (sku)/ /zhes pa dang / gser 'od dam pa las/ sangs rgyas mya ngan yongs mi 'da'/ /chos kyang nub par mi 'gyur te/ /de bzhin gshegs pa rtag pa'i sku/ /zhes so/ /de ltar 'das pa'i tshe sa g.yo ba la sogs pa'i cho 'phrul sna tshogs byung ngo / /de nas rtswa can gyi gyad kyi gtso bo lnga brgyas kun dga' bo la spur sbyong bar gsol te/ 'khor los bsgyur ba'i rgyal po bzhin du shing bal gyi 'dab mas dkris shing ras zung stong gis bcings nas 'bru mar gyis bkang ba'i lcags sgrom du bcug te| bteg pa na gyad stobs po che bzhi dang / brgyad dang / bcu drug gis kyang ma theg go /de'i tshe lha dang mi thams cad kyis gsol ba btab pas/ grong khyer la lan bdun bskor nas bzhugs pa dang / bya rgod phung po'i ri la 'od srungs 'khor lnga dang lhan cig yod pas shes te/ zhag bdun gyis 'ongs pa dang sgrom kha rang bye'o/ /de nas mchod pa byas te ras zung stong snyed pas dkris nas ji snyed kyis me sbar yang tshig par ma gyur pas/ thugs rje chen pos nyid kyi thugs