[A:93]kyis bsnyad pa'i sde dang /
shA ri'i bu lta bu
lung bstan pa'i sde/ tshigs su bcad pa 'ba' zhig pa
'i sde dang / sor mo'i phreng ba la dmigs pa lta bu
ched du brjod pa dang / wA rA Na sIr zhes pa lta bu
gleng gzhi dang / dpe'i sgo nas don gyi
rtogs pa brjod pa dang / sngon gyi byung tshul
de lta bu byung ba dang / byang chub sems dpa'i
skyes pa rabs kyi mdo
dang / byang chub sems dpa'i sde snod kyi brjod bya bstan pa
shin tu rgyas pa dang / rigs can gsum gyi ngo mtshar ston pa
ches rmad du byung ba'i mdo dang / chos kyi mtshan nyid ston pa
rnam par gtan la dbab pa'i sde'o/ /de la dang po lnga nyan thos kyi mdo sde'i sde snod dang / de nas bzhi gnyis ka'i 'dul ba dang / de nas gnyis gnyis ka'i byang chub sems dpa'i mdo sde dang / tha ma gnyis ka'i mngon pa'i sde snod de rang sangs rgyas nyan thos kyi khongs su bsdu'o// //
! lnga pa gnyen pos dbye na/ nyon mongs pa brgyad khri bzhi stong gi gnyen por chos kyi phung po brgyad khri bzhi stong ste/ mdzod las/ spyod pa rnams kyi gnyen por ni/ /chos kyi phung po mthun par gsungs/ /zhes so// //
! drug pa la gsum ste/ dngos su zhal nas gsungs pa dang / byin gyis brlabs pa dang / rjes su gnang ba'i bka'o/ /dang po ni 'phags pa sdud pa lta bu'o|| !gnyis pa ni sa'i snying po'i spyi bor phyag g.yas pa gser gyi mdog can bzhag pas mdo sde sa bcu pa gsungs pa sku yis dang / rab 'byor khyod byang chub sems dpa' rnams las brtsams te yum la spobs par byos shig gsungs pas rab 'byor gyis yum bstan pa lta bu gsung gis dang / bcom ldan 'das zab mo snang ba zhes bya ba la snyoms par zhugs nas shA ri'i bu la dri ba dang /