[A:94] spyan ras gzigs la lan 'debs pa'i spobs pa byung nas gsungs pa'i shes rab snying po lta bu thugs kyis byin gyis brlabs pa'o/ /gsum pa ni mdo sde snying rje chen po padma dkar po las/ dge slong dag nga'i chos rnams sdud par byed pa de'i tshe/ thog mar 'di skad bdag gis thos pa'i zhes pa'i tshig gsum gyis gleng slong la bar du mtshams sbyor gyi tshig chug mthar bcom ldan 'das kyis gsungs pa la mngon par bstod ces bya ba chug cig ces gsungs pa lta bu'o/ /
! gnyis pa bstan bcos la sgra bshad ni/ shastra zhes pa sha sha sa la~XX 'chos pa dang / tra tra ya na skyob pa yin pas slob ma'i blo nyon mongs pa'i dgra las 'chos shing ngan 'gro dang srid pa'i sdug bsngal las skyob pa ste/ rnam bshad rig pa las/ nyon mongs dgra rnams ma lus 'chos pa dang / /ngan 'gro'i srid las skyob pa gang yin pa/ /'chos skyob yon tan phyir na bstan 'chos te/ /gnyis po 'di dag gzhan gyi lugs na med/ /ces so/ /yang na rnam rtog sel ba dang / ngar 'dzin 'chos pa ste/ rtog rnams sel bar byed pa dang / / 'dzin pa 'chos phyir bstan bcos so/ /zhes so/ /de bka' la'ang yod mod kyi sgra bshad la khyab ches skyon ma yin no/ /de'i mtshan gzhi ni sangs rgyas bzhugs pa dang / 'das pa na yang rung gang zag dam pas bka'i dgongs pa 'grel ba ste| spyod 'jug lta bu'o/ kha cig sangs rgyas 'das nas byas pa rnams bstan bcos so/ /zhes pa ni rjes su gnang ba'i bka' la khyab ches shing thub pa bzhugs dus su mdzad pa'i chos kyi phung po shA ri'i bus zhes pa la sogs pa mngon pa sde bdun la ma khyab bo// //