[A:100]btul ba la sogs pa ji ltar bshad kyang 'thad pa gsum mo/ /gsum pa ni/ shes kyis khe dang snyan dang rnyed mi 'tshol/ /zhes pas rnyed pa dang bkur sti la sogs pa'i zang zing la mi lta ba dang / spyod 'jug las/ nya pa gdol pa zhing pa la sogs pa/ /rang gi 'tsho ba tsam zhig sems pa yang / /tsha dang grang la sogs pa'i gnod bzod na/ /'gro ba bde phyir bdag ltas cis mi bzod/ /ces pas phral gyi tsha grang la sogs pa la dub pa dang / 'khor gyi log bsgrub dang gzhan gyi rtsod pa na yid skyo ba med pa dang / nyes ltung la sogs pas ma gos te kun tu spyod pa gtsang zhing bzang bas kun gyis bkur bar 'os pa ste/ blo gros rgya mtshos zhus pa'i mdo las/ chos smra bas gtsang sbra dang kun tu spyod pa gzo bas legs par sogaXs pas ma go ba go bar bya'o/ /zhes so/ /de lta bus bshad na 'khor gyi skye bo la mdzes shing mdzes pa yin te/ rgyan las/ de ltar blo bzang skyo ba med ldan brtse ba can/ /snyan par rab grags cho ga bzang shes ldan pa yis
//
byang chub sems dpa' legs par smra ba yin pa ste/ /bshad pas skye bo'i nang na nyi ma bzhin du lham/ /zhes so/ /gnyis pa snod du rung bar bya ba ni zla ba sgron ma las| snod nyams gyur la nam yang ni/ /dam chos bstan par mi bya'o// zhes pa dang / spyod 'jug las/ ma gus pa la chos mi bshad/ /ces pas snod du ma rung na bshad pa don med par 'gyur bas/ de la nyan pa po'i skyon ni rnam bshad rig pa las/ don du gnyer ba med pa dang / /ngag 'khyal dang ni ma dad dang | |phyi rol rnam g.yeng nang bsdud dang / /skyo ba nyan pa'i dri ma yin/ /zhes pas lnga (drug)
gsung / bsdus na gsum te/ snod kha bub lta bu ma rtogs pa'i sgo