[A:101]
nas chos thos pa don du mi gnyer ba dang / snod mi gtsang ba lta bu log par rtog pa'i sgo nas chos thos pa don ma yin pa dang / snod zhabs rdol lta ba'i sgo nas chos thos pa don med par 'gyur ba'o// //
! dang po la gsum ste/ thog mar chos thos pa nyid du mi 'dod pa dang / 'dod kyang rab tu mi 'jug pa dang / 'jug kyang tha mar mi brtson pa'o/ /dang po ni| gal te chos 'di khungs mi btsun pa'am/ brjod bya mi bden pa'am dgos pa med pas so snyam na/ ma yin te/ dam pa'i chos ni dang po sems bskyed/ bar du tshogs bsags nas tha ma mdzad pa bcu gnyis kyi tshul du rang gzhan gyi don mthar thug pa'i sangs rgyas kyi gsungs te/ byang chub sems dpa' dang dgra bcom pa rnams kyi zla la gzung nas gzhan don du mdzad pas bsdus shing / de'i dgongs pa mgon po byams pa la sogs pas bkrol te/ de dag skad gnyis smra ba rnams kyis phyin ci ma log par bsgyur nas/ bla ma dam pa rnams kyis gcig nas gcig tu brgyud de gsungs pa khungs btsun la brjod bya bden pa gnyis sam thabs shes rab zung 'brel ston cing / dgos pa gnas skabs lha mi dang mthar thug byang chub gsum thob pa yin no/ /shes ldan dag chos ni de ltar rang bzhin bzang po yin na cis mi 'dod ces bya'o/ ! /gnyis pa 'dod kyang mi 'jug pa la rgyu mtshan gsum las/ dang po chos bsgrub pa'i rgyu nyid med pas so snyam na ma yin te/ rgyud bla ma las/ rigs yod phyir na lus can kun/ / rtag tu sangs rgyas snying po can/ /zhes pas spyir sems thams cad la sangs rgyas kyi snying po yod pas/ rten shin tu dman pas kyang brtson 'grus bskyed na/