[A:106]la spro dga' dang bcas pa ste/ spyod 'jug las/ brtson gang dge la spro ba'o/ / zhes so// //
! gsum pa sgra'i ngo bo ni/ brda' dag pa
yul skad ngan pa spangs pa ste/
dang / ganggA'i chu rgyun ltar
ngag 'brel ba dang / tshangs pa ltar/
dbyangs snyan pa'o/ /rgyan las/ rgyal sras tshig ni mi zhan pa/ /snyan gyis legs bshad grags pa dang / /ci rigs pa dang zang zing med/ /ran cing de bzhin yangs pa yin/ /zhes so/ / bzhi pa man ngag la gsum ste/ brjod bya'i don bstan pa dang / rjod par byed pa'i gzhung bshad pa dang / brgal lan gyis gtan la dbab pa'o// //
! dang po ni don gyi dngos po dgod pa dang / dkyus kyi sa bcad pa dang / 'di man chad kyi don zhes/
'og nas rdzogs pa'i ngag bsdams pa gsum mam/ yang na de yan chad bshad zin nas da 'di nas 'chad ces gang las 'ongs pa'i 'brel dang | dgos pa 'di yi don zhes gang gi phyir bkod pa'i dgos pa dang / gtso bo'i brjod bya 'di yin zhes gang brjod bya ngos gzung ba'o// //
! gnyis pa ni ji tsam 'chad pa'i gzhung nyid bstan pa dang / them sbyor gyi sgo nas khyad par gyi gzhi btul bas ngag don blangs te dogs spong gi sgo nas khyad par gyi chos bshad pa dang / ngag tshig gnyis kyi dngos shugs la brjod bya ji ltar bstan pa'i tshul lo// //
! gsum pa ni gzhung snga ma dang zlos pa dang / lung gzhan dang / khas blangs dang / rigs pa dang 'gal ba dang ma 'brel lo/ /yang zhes bsam pa ma rtogs pa'i rgol ba 'god pa dang / brjod bya dang dgos pa dang brjod tshul tha