[A:319]རྗེ་རྣལ་འབྱོར་མ། །རྒྱལ་བའི་བསྟན་འཛིན་གྲུབ་དབང་ཚེམ་བུ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཚིག་རྐང་བཞི་པ་འདིའི་ཚབ་ཏུ། ཟུང་ལྡན་རྒྱན་འགྲིག་པའི་སླད་དུ། རྒྱལ་དབང་ཚེ་འདིར་ཐོབ་པར་བྱིན་གྱིས་རློབས་སོགས་བཅོས། མཁས་གྲུབ་སྤྱི་བོ་ལྷས་པ་བྱང་ཆུབ་འོད། །མཁས་མཆོག་བྱང་ཆུབ་ཚུལ་ཁྲིམས་བྲག་དམར་བ།། མཁས་བཙུན་བསོད་ནམས་སྙིང་པོ་དགོན་བསར་བ། །མཁས་པའི་ཡང་རྩེ་ཐོབ་པར་བྱིན་གྱིས་རློབས། །སྙིང་པོའི་དོན་གཟིགས་ཀུན་སྤངས་ཀུན་ཏུ་བཟང༌། །སྙིང་རྗེའི་བདག་ཉིད་བྱང་སེམས་རྒྱལ་ཡེའི་ཞབས། །སྙིང་ནས་འགྲོ་བའི་དོན་མཛད་གཞོན་སེང་བ། །སྙིང་པོའི་བསྟན་པ་འཛིན་པར་བྱིན་གྱིས་རློབས། །ཐེག་མཆོག་ལམ་སྟོན་བསོད་ནམས་རྒྱལ་མཚན་དཔལ། །ཐེག་ཆེན་ཆོས་རྒྱལ་ཀུན་དགའ་བཀྲ་ཤིས་ཞབས། །ཐེག་ཆེན་ཆོས་རྗེའི་ཐུགས་སྲས་ཀུན་དགའ་ལེགས། །ཐེག་མཆོག་ལམ་གྱིས་འགྲོ་ཀུན་གྲོལ་བྱེད་ཤོག །རྡོ་རྗེ་འཆང་དབང་བློ་གྲོས་རྒྱལ་མཚན་དཔལ། །རྡོ་རྗེ་བླ་མ་རྗེ་བཙུན་ཀུན་སྤངས་ཞབས། ། རྡོ་རྗེ་འཛིན་པའི་དེད་དཔོན་ཀུན་དགའི་མཚན། །རྡོ་རྗེ་བཞི་ཡི་གོ་འཕང་ཐོབ་པར་ཤོག ། ཀུན་བཟང་བླ་མའི་ཐུགས་སྲས་ཚར་པ་རྗེ། །ཀུན་མཁྱེན་བླ་མ་མཁྱེན་བརྩེའི་དབང་ཕྱུག་ཞབས། །ཀུན་དགའི་ལམ་སྟོན་བྱམས་པ་སྐལ་བཟང་རྗེ། །ཀུན་ནས་འགྲོ་བའི་འདྲེན་པར་འགྱུར་བར་ཤོག །གསང་སྔགས་མཛོད་འཛིན་དབང་ཕྱུག་རབ་བརྟན་དཔལ། ། གསང་ཆེན་སློབ་བཤད་འཛིན་པ་མགོན་པོའི་མཚན། །གསང་སྔགས་གསར་རྙིང་འཛིན་གཙོ་རྒྱལ་དབང་ཞབས། །གསང་བདག་བཞིན་དུ་གསང་མཛོད་འཛིན་པར་ཤོག ། གསང་ལམ་ཟབ་སྟོན་ངག་དབང་བསྟན་འཛིན་གྱིས། །གསང་སྔགས་ཐོས་པའི་རྒྱ་མཚོ་ཕྲིན་ལས་པར། །སྐྱབས་འགྲོ་སེམས་བསྐྱེད་ཟུང་འབྲེལ་སྔོན་འགྲོའི་ལམ། །བསྐྱེད་རྫོགས་ཟུང་འབྲེལ་ཟབ་མོ་དངོས་གཞིའི་ལམ། །བསྔོ་བ་སྨོན་ལམ་ཟུང་འབྲེལ་རྗེས་ཀྱི་