[A:247]mchog gi bshad rgyud thun mong ba mgon po dngos grub 'byung ba dkyil 'khor bdun gsungs pa las/ lha bcu gsum ma'i rjes gnang mtshal lugs zhang g.yu brag pa nas brgyud pa rjes gnang dus/ sku'i gtor ma/ gsung bdud rtsi/ thugs rdo rje/ phyag mtshan bzhi/ sngags lung / bka' gtad dang bcas pa thob pa'i brgyud pa ni/ rdo rje 'chang / 'khor lo sdom pa/ rdo rje rnal 'byor ma/ klu sgrub snying po/ Arya de ba/ dus zhabs pa che chung gnyis/ rdo rje gdan pa/ tsa mi sangs rgyas grags/ a bhya ka ra/ rje btsun rgwa lo/ zhang g.yu brag pa/ shAkya ye shes/ btsan khang pa/ sangs rgyas gzhon nu/ gser khang steng pa/ grags pa bzang po/ shAkya bsod nams/ chos bzang pa/ dpal ldan rgyal mtshan/ grags pa bsod nams/ dge 'dun dpal ldan/ spyan snga grags pa rgya mtsho/ spyan snga ngag dbang rgya mtsho/ spyan snga bsod nams rab brtan/ spyan snga skal ldan rgya mtsho/ zur chos dbyings rang grol/ rdo rje brag rig 'dzin padma phrin las/ rnam sras gling paNDi ta chen po dkon mchog chos grags/ des bdag go /
! myur mdzad ye shes mgon po phyag drug pa'i chos skor la/ rgyud ni bu ston rin po ches the tshom gyi gzhir bzhag kyang / bla ma phal cher tshad mar 'dzin pa'i mgon po gsang ba dngos grub 'byung ba'i rgyud kyi le'u bcu bzhi par/ mgon po kun gyi gnas 'di ni/ /zhal gcig pa la phyag drug pa/ /dang po gri gug thod khrag 'dzin/ / spyan gsum mthing nag rngam pa yi/ /g.yas g.yon bar pa phreng ba dang / /Da ma ru ni 'dzin cing brdung / /mtha' ma gnyis kyis kha TwAM dang / /sdigs mdzub zhags pas 'ching bar mdzad/ /ces dang / shangs pa rnams kyi rang skad la rgyud tshad ldan rta mgrin gyis gsungs pa'i le'u brgyad pa'i le'u gnyis par/ nag po zhal gcig phyag drug pa//