[A:132]gsal byed gcig ste/ bir bsrung gi gsal byed bsrung ba gsum dang sbyar ba/ 'di ni nges pa mi 'dug kyang 'phags pa'i der sbyar bde bas sbyar ba yin no/ /bzhi pa gnyag ma cha lag dang bcas pa'i gsal byed la yi ge bzhi ste/ gnyag ma gsal byed kyi/ 'phros don gsal byed kyi/ lam 'bring po gsal byed kyi/ gzhung shing gsal byed kyi yi ge'o/ /dang po la gnyis te/ gzhung bshad gsal byed bar ston zin bris/ bdud rtsi bsten pa'i gsal byed bcud len zhal shes so/ /gnyis pa 'phros don gsal byed la bzhi ste/ 'khor 'das dbyer med kyi zin bris bar ston ma/ rlung bcu sogs kyi gags sel/ rlung bcu'i gegs sel phrin las so gnyis kyi zhal shes so/ /gsum pa lam 'bring po gsal byed kyi yi ge gnyis te/ lam 'bring po'i zin bris che ba dang chung ba gnyis so/ /bzhi pa gzhung shing gsal byed kyi yi ge gnyis te/ gzhung ji lta ba bzhin bkri ba'i gzhung shing gsal byed gnyag snying po rgyal mtshan gyi dang / nyan chen pa'i khrid yig gnyis so/ kha cig phyi ma 'di nyan chen pa'i gsung ma yin par smra'o/ / rang byin brlabs kyi dmigs pa nyer dgu dang / dmar gyis mdzad pa'i bla ma'i rnal 'byor rin 'byung ma dang / gags sel gyi yi ge bzhi'i zhal gdams bla ma dam pa'i phyag dpe las dge slong dpal ldan gyis bris zhes pa dang / sbas bshad 'phrul 'khor so gnyis dang / birWa pa dang sa chen mjal ba'i lo rgyus rje btsun gyis rga theng la bskur ba yin zer ba sogs 'bri ba dang / sa paN gyi khrid kyi dkar chag dang / zangs tsha'i zin bris sogs med mi rung gi yi ge du ma 'dor ba ni shin tu mi rigs te/ dang po dmigs pa nyer dgu ni/ saM pu Ta'i rgyud 'chad pa'i dus su gsung ba'i zhal shes yin gyi| lam 'bras kyi yan lag ma yin pa'i phyir dang / bla ma rin 'byung ni/ don dang