[A:133]lag len tshang ba bla ma'i rnal 'byor thun mong ma yin pa las 'byung bas 'dir med kyang man ngag ma tshang ba'i skyon med la/ ci nas kyang bri bar byed na'ang dmar gyi yi ge dag gi gseb tu bgrang bar bya ba yin pa'i phyir dang / gags sel gyi yi ge bzhi'i zhal gdams ni/ rnal 'byor gyi phrin las so gnyis ngos 'dzin pa na/ lus kyi phrin las nyi shu/ rlung gi bdun/ thun mong gi phrin las lnga zhes sogs 'dir ma grags shing / zhwa ma'i lugs la grags pa mang du snang bas rang gzhan gyi lugs ma phyed par snang ba'i phyir dang / bla ma dam pa la zhwa ma'i lugs kyi phyag dpe yod pas des/ thun mong min par mi 'grub pa'i phyir dang / sbas bshad 'phrul 'khor so gnyis ni/ mang khar bya tsha lung pa'i bla ma rgyal mtshan 'bum la bla ma dam pas gsan te phyis byung ba yin pas med mi rung ba'i rtsa ba'i man ngag ma yin pa'i phyir dang / birWa pa dang sa chen mjal ba'i lo rgyus rje btsun gyis rga theng la bskur ba yin zer ba ni/ deng sang gi dbang rgyud gdams ngag /bsam gyis mi khyab pa ji snyed pa/ sa chen gyis rje btsun sku mched la brgyud de brgyud pa 'ded pa dang / yi ge der birWa pa dang mjal lugs tsam yang gtan ma thos par rjes su gzhan la dri dgos pa byung zhing / de'ang byis pa 'di tsho khyed la 'dri ba'i dus gcig 'ong gi de tsa na zlos gsung zer ba shin tu 'gal te/ rnam 'joms bir lugs sogs rnal 'byor dbang phyug kho na la dngos su gsan pa'i gdams ngag bsam gyis mi khyab pa rnams brgyud pa gang las brgyud tsam yang rtsad gcod dka'o// sa paN gyi khrid kyi dkar chag ni ngan rtog gis spangs par snang mod/ bka' sgrub kyi skabs su tshad mar bsgrubs zin pa'i phyir dang / zangs tsha'i yi ge sogs med mi rung gi yi ge du ma ni gzhan dag gi spyod yul du ma gyur par zad pa'i phyir ro/ /de'i phyir