[A:323]la ni byin zhes thos//
rgyal yum mi shes mtshor bying ba//
ram dpyod lag pas bton nas ni//
smra mkhas lce brgya'i khrir 'dug pa//
de tshe brgya byin gyis phyag byas//
yang gsang phu ne'u yi thog dang/ de'i yang dben rab tu mang po dag tu/ sngon sbyangs pa mdzad pa dang/ phyis chos kyi 'khor lo bskor ba'i bdag rkyen ni/ sne'u ba dpon nam mkha' bzang po sku mched dang/ rkong po yon bdag po rnams kyis mdzad do//
skabs der/ gsang phu ne'u thog tu yum rgyas pa rje nyid kyis mdzad pa'i rnam bshad kyi steng nas bshad pa rgyas par mdzad pa na/ me tog gi char zla ba gcig gi bar du babs te/ khyad par brgya byin gyi le'u yi skabs su me tog gi char ha cang che ba dang/ 'dab ma brgyad yod pa 'ga' zhig gi lag pa'i mthil du sleb ma thag tu zhu ba dang/ 'ga' zhig gis de ma thag tu mid pa dang/ 'ga' zhig gis za ma thog gi nang du yun ring du bcangs kyang ma nyams pa byung ngo//
dus der gtsug lag khang gi zhig gsos byed pa dang thugs pas/ rje nyid la mi 'dun pa rnams na re bltas khyad par can 'di dag gtsug lag khang gi zhig gsos kyi mthu yin te/ sngon rwa sgreng gi gtsug lag khang zhig gsos byed pa'i dus su/ yang me tog gi char 'di ltar du babs pa shing bzo ba rnams la rgyus 'dug go zer/ de nas de nyid kyi 'brel chags su nges par brtan pa'i rtse sbyor gyi thad kyi mdo gsungs pa na/ dbang po'i gzhu'i gur khyim rje nyid kyi chos grwa'i tshad dang mnyam par phub ste me tog gi char lag tu bzung thub pa chos grwa de nyid du lhag par babs pas/ ma dad pa rnams kyi log par rtog pa bsal nas/ dad pa lhag par skyes te/ chos gsung pa de'i 'phro rnams rdzogs par nyan te/