[A:329]gyi dka' 'grel brtsams pa'i tshe/ mkhan chen rin po che dga' ldan gyi gnas nas byon pa yin gsung nas/ thugs dgyes po mdzad/ dka' 'grel gnas 'dir tshar ba gyis shig gsung/ de nas de'i zhabs la phyag byas/ bdag kyang dga' ldan gnas su 'gro ba lags shes zhus/ rjes la shog ces gsung ba snyam byed pa'i mtshan lam byung/ de'i phyi nyin shin du dgyes/ slob ma rnams la mang ja gnang/ mkhan chen rin po che'i sku 'dra gser shog gis spras pa zhig sga ba gdong gi gtsug lag khang du bzhengs so zhes yid ches pa'i slob dpon gyi gsung las thos so//
spyir ni bdag nyid chen po 'dis ni gu nas gsungs pa'i rmi lam 'byongs/ rmi lam mngon shes dang 'dra bar lung ston/ slob ma dag gis bya ba dang bya ba ma yin pa'i rnam dbye zhus pa na/ gral de nyid du mnal gzim pa ltar byed/ de las bzhengs ma thag tu lung ston/ yang phyi dro'i chos gsungs pa'i skabs su bab pa na/ mang po tshogs pa'i gral yin kyang gral de nyid du mnal mdzad/ de'i ngang la thugs dpyod dang gzigs rtog mdzad/ de las bzhengs ma thag tu chos dung bus shig ces gsung ba phal cher mdzad kyin 'dug pa ni mngon sum gyis grub po//
yang mkhan chen rin po che la rjes 'brangs gnyis dang bcas te bde ba can gyi zhing khams su byon pa'i snang ba shar ba'i dus kyi rjes 'brangs gcig ni bdag nyid chen po 'di yin par kun la grags so//
yang rje btsun re mda' ba mnga' ris gung thang du bzhugs pa'i dus kyi mtshan lam du/ dga' ldan na rje btsun byams pa'i g.yas phyogs na khri mtho ba gsum bshams/ g.yon phyogs na de las cung dma' ba yin nam snyam pa gsum bshams pa mthong ngo// de'i tshe g.yas