[A:332]kyis mdzad cing/ gtso bor ni bzhi thog dang/ lha chen dang/ chu mig la sogs pa'i bla brang so so nas mdzad do//
dus de ni mkhan chen rin po che gzhan don la gshegs zin pa'i dus yin cing/ rje nyid kyi dgung lo lnga bcu tsam bzhes pa'i dus yin la/ skabs der gtsang phyogs la lo lnga tsam bzhugs nas slar yang dbus la phebs so//
3rd journey
de nas lan gsum pa rje nyid kyi dgungdgong lo drug bcu re gcig bzhes pa lug gi lo la/ gtsang phyogs su phebs/ ngur mig nas la stod ding ri glang skor gyi bar gyi chos sde rnams su rims kyis phebs/ chos kyi 'khor lo rgya chen po bskor/ snyan pa'i grags pas sa'i steng ma lus par khyab/ rnyed pa dang bkur sti bsam gyis mi khyab cing brjod pas mi lang/ rje btsun dam pa rgya gar gyi sprul pa yin par grags/ chos kyi rje rong ston chen po zhes bya ba'i mtshan gsol/ dus der si tu lha btsan gyis sbyin pa'i bdag por khas blangs nas/ la stod ding ri glang 'khor du gtan du bzhugs par gsol kyang/ ma gnang/ sa skya bka' bgros pa dang/ bdag chen dkon mchog legs pas gdan sa nas ngam rings kyi bar stabs gang bder gtan du bzhugs pa'i gsol ba btab kyang ma gnang/ chos rgyal rab brtan 'phags kyis nyang stod kyi chos sde gsar par sku tshe dril nas bzhugs pa'i gsol ba btab kyang ma gnang/ rin spungs pa drung nam mkha' rgyal po yab sras kyi byams chen gyi chos sde chen po 'debs pa'i chos dpon la spyan drangs/ zhabs brtan par bzhugs pa'i gsol ba btab pas/ re shig bzhugs/ dgon pa 'debs pa'i sgrigs tsam mdzad/ sa byin gyis brlabs/ sems dpa' chen po gzhon nu rgyal mchog pa chos dpon du lung bstan nas dbus phyogs la thegs so//