[A:103]lan bzhi thob/ dbang byin rlabs rjes 'brel ni/ lhun sde rab 'byams pas zhu dus de rang yin/ gzhan gsum ka khrid rkyang re rang byung zhes drin can spyang lung pa'i gsung sgros so//
de'i dbyar smad nas dpyid sos bar 'od gsal rtser sku mtshams dam pa rang gnang nas kye rdo rje'i gzhi bsnyen mdzad cing/ zla ba dgu la kha gso'i sbyin sreg bar mthar phyin/ bka' las kyang rang re lce mi bde ba rang med cing/ yid lhag par 'jur bas/ aShaT grangs btab bkod pas 'bum phrag bzhi zla ba drug la 'gro tsam byung zhing/ slar yang zla ba phyed dang gnyis kyang nan sbyor gyis bgrangs ding sang ni dus myur rang la grangs bsnyen re song ba skad kyin 'dug na'ang/ de kun gyis ma re ma re ka re ka re byas pa ka los yin// 'di 'dra la byin rlabs gang la yong/ sngags dag dgos zhes drung btsun shes rab dpal 'byor ba la dngos su gsungs pas/ bdag lo bco brgyad len dus kyai rdo rje'i gzhi bsnyen byed dus khong pas nan gyis bos nas bka' stsal du gnang ba yin no//
mang dkar ba zla ba mgon po'i snyan na/ ngor du grwa skor gyi skabs/ rje rdo rje 'chang chen gyis dpe lta gyis shes bskul dus/ gzhi bsnyen mdzad gsung ba cig bzhugs 'dug kyang ma dag pa yin te/ de dus yun zla ba gsum las ma song ba dang/ yang paN chen rin po che nyid kyi bka' las/ nged rang gis bla med kyi dbang thob pa dang/ bsnyen pa byas pa'i thog ma de gyis ka 'jigs byed 'di yin/ byin rlabs kyi zil ches che ba cig rang yod ces bdag gi bla ma paN chen dpal ldan tshul khrims pa la dngos su bka' lung gnang 'dug pas/ de dus kyi lha bsnyen de yang 'jigs byed nyid du mngon no//
yang bka' las rang re'i gsang phu'i chen po'i khur de