[A:102]bdud dpung las rgyal rgyal ba'i sras khyod ni//
mi 'jigs gdong lnga lnga rtsen khrir 'khod de//
phyogs bcur rab grags grags pa'i rnga chen dag//
'bad pa med bzhin bzhin bzang yongs kyis bskul//
ces paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ ngo mtshar gyi dum bu 'ga' zhig las bsgrags pa'i rab tu byed pa bcu gsum pa'o// //
Chapter 14: rtogs pa'i rang bab mngon sum du gyur pa'i skabs
der cho 'phrul gyi smon lam grol rjes mal gro'i nang du phebs nas/ sngon gsang phur bzhugs dus gnas kyi slob dpon mchog tu gyur pa'i mkhan chentshan nyi ma rgyal mtshan pa'i drung du skyid sdug lam khyer dang/ khro phu ba'i bde mchog dkar po kha che paN chen lugs de gsan rjes/ dpyid sos kyang rgya ma rin chen sgang nyid na bzhugs dus/ rgyal rtse nas rnam thar rdor rgyal mar chos kyi rgyal po rab brtan kun bzang 'phags pa dang/ rnam thar rje dbon mar sog po 'phags pas/ dpal 'khor bde chen gyi chos dpon du spyan 'dren phyir 'phags pa thugs rje chen po don yod zhags pa'i li ma khyad 'phags dang/ gdugs dkar po'i zhu yig rten bcas byon pa la dkon mchog gi spyan sngar legs smon gyi brtag pa mdzad pas ma chud par/ thabs mkhas kyi 'phrul gyis btang snyoms su bsgyur ba'i zhu 'phrin spel legs kyi snyan ngag phul lo//
de nas chos sdings rin po che'i spyan sngar phyag 'bul la 'phebs// 'brug pa rgyal dbang chos rje yang nai gu'i khrid gsan pa la phebs snang bas rang res kyang zhus/ der sngar ltar 'chad nyan gyi sbrel bkod med pas/ yid la nges 'byung sogs kyi 'khul che ngos/ sgyu ma rmi la gyi go myong lhug pa rang zhig skyes/ snga phyir ne gu'i khrid bzlas pa