[A:107]gnas//
chen po'i go 'phang de yang khyed kyis spangs//
chos brgyad mdzes snang ri dgas smig rgyu'i dpe//
mkhas rlom phal gyi snying gis mi 'phong kyang//
snang srid sgyu ma rmi lam yul snang bzhin//
legs dgongs khyed kyis srang mdo'i rtswa ltar dor//
ye shes mkha' 'gro'i zhal lung gsang ba'i chos//
yang dang yang du snyan nas thugs su sim//
'od gsal dngas shel gsal ba'i me long der//
mtha' yas shes bya'i yul kun rjen par shar//
phyogs bcu'i sangs rgyas ma lus thams cad kyis//
zhing rdul ji snyed ma 'dres gzigs mo'i cha//
ye shes mig gcig dri med mnga' ba can//
khyed kyi rnam thar gsang ba brjod las 'das//
dges mdzad ti 'dzin gsal ba'i dkyil 'khor du//
mtshan skyob sngags kyi nA da glur len zhing//
lha dang ye shes snang ba'i rol mo pa//
gsang sngags 'dzin pa yongs la'ang 'di ma grags//
rnam rtog bzlas brjod grangs kyis chog chod mkhan//
kun brtags 'khrul pa'i rmi lam ro myang ba'i//
byis pa'i rdo rje 'dzin pa las 'das khyod//
sa la rdo rje sems dpar rab grags lags//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib [-] zhib mo rnam par 'byed pa las/ rtogs pa'i rang babs mngon sum du gyur pa'i skabs las/ bsgrags pa'i rab tu byed pa bcu bzhi pa'o//
Chapter 15: mnga' ris kyi yul 'khor du chos sgra bsgrags pa'i skabs
rnam thar rdor rgyal mar sa glang vc: 1469la gser mdog can btab ces 'byung yang/ rnam thar gzhan gnyis su mi snang zhing/ ngo bo sngar brjod pa ltar byi lo'i ston vc: 1468dgon pa shar du bzhugs sa tsam mdzad/ der rgya rgan nang pas gdan 'dren zhus/ de dus rgya rgan dpon bgres pa rang ras 'bol ring ba cig gi sna la bsdad 'dug pas