[A:109]nas bteg ste/ de'ang rigs rus yon tan du mas mngon par mtho ba'i rje btsun ngag dbang chos kyi rgyal po dang/ shar mi nyag gi paNDi ta chos grags dpal bzang pos gtso mdzad pa'i sde snod 'dzin pa brgya phrag gcig gzhan slob gnyergnyor ba sha stag nyis brgya ste slob dpon sum brgya tsam dpal ldan sa skya'i chos grwa chen po las brgyud nas rim gyi dam pa rgya gar gyi grub gnas ding ri glang 'khor la mdzad de/ bstan pa'i sbyin gnas mchog tu gyur pa de'i yul ljongs ga ba der bskyod bde bar gshegs par mdzad do//
der glo bo nas kyang bsu ba'i bkod pa khyad par can dag gis kyang rim gyis spyan 'dren pa gnang skabs 'brog lam gyi ri khrod cig na/ ri gcig ma dpal ldan gzhon nur grags pa'i nai gu'i grub thob chen po cig bzhugs pa'i khong gi sgrub gnas de dang nye bar paN chen rin po che 'khor bcas phebs pa'i nub mo mnal gyi 'og gsal gyi ngang las/ phyogs der rje btsun 'jam dbyangs byang chub sems dpa'i'akhor dang bcas pa bzhugs pa'i snang ba byung nas sang ched kyis mjal ba la byon te/ bdag la chos 'brel du 'jam dbyangs kyi bstod pa zhig stsol zhes zhus nas/ gang blo ma'i lung mdzad ces grags shing/ yang glo bo rang gi lung nang du phebs pa'i nyin/ de'i shar lung na bzhugs pa'i rtogs ldan dpal ldan legs pa zhu ba zhig la mnal lam du/ rje btsun 'jam dbyangs smra ba'i seng ge/ seng ge sngon po la chibs pa zhig dang mjal/ khong gi byin rlabs cig zhu zhus pas/ zhal nas yi ge dhIH yig cigvc: or: yi gcig?gnang ba mid pas lus sems bde ba'i ngang nas mnal sad de/ de'i don la bsam pas de ring shar phyogs nas 'byon zer ba'i bla ma de ni mkhas par ma zad rje btsun 'jam pa'i dbyangs dngos cig yod par 'dug pas da lta