[A:109]ནས་བཏེག་སྟེ། དེའང་རིགས་རུས་ཡོན་ཏན་དུ་མས་མངོན་པར་མཐོ་བའི་རྗེ་བཙུན་ངག་དབང་ཆོས་ཀྱི་རྒྱལ་པོ་དང། ཤར་མི་ཉག་གི་པཎྜི་ཏ་ཆོས་གྲགས་དཔལ་བཟང་པོས་གཙོ་མཛད་པའི་སྡེ་སྣོད་འཛིན་པ་བརྒྱ་ཕྲག་གཅིག་གཞན་སློབ་གཉེརགཉོར་བ་ཤ་སྟག་ཉིས་བརྒྱ་སྟེ་སློབ་དཔོན་སུམ་བརྒྱ་ཙམ་དཔལ་ལྡན་ས་སྐྱའི་ཆོས་གྲྭ་ཆེན་པོ་ལས་བརྒྱུད་ནས་རིམ་གྱི་དམ་པ་རྒྱ་གར་གྱི་གྲུབ་གནས་དིང་རི་གླང་འཁོར་ལ་མཛད་དེ། བསྟན་པའི་སྦྱིན་གནས་མཆོག་ཏུ་གྱུར་པ་དེའི་ཡུལ་ལྗོངས་ག་བ་དེར་བསྐྱོད་བདེ་བར་གཤེགས་པར་མཛད་དོ༎
དེར་གློ་བོ་ནས་ཀྱང་བསུ་བའི་བཀོད་པ་ཁྱད་པར་ཅན་དག་གིས་ཀྱང་རིམ་གྱིས་སྤྱན་འདྲེན་པ་གནང་སྐབས་འབྲོག་ལམ་གྱི་རི་ཁྲོད་ཅིག་ན། རི་གཅིག་མ་དཔལ་ལྡན་གཞོན་ནུར་གྲགས་པའི་ནཻ་གུའི་གྲུབ་ཐོབ་ཆེན་པོ་ཅིག་བཞུགས་པའི་ཁོང་གི་སྒྲུབ་གནས་དེ་དང་ཉེ་བར་པཎ་ཆེན་རིན་པོ་ཆེ་འཁོར་བཅས་ཕེབས་པའི་ནུབ་མོ་མནལ་གྱི་འོག་གསལ་གྱི་ངང་ལས། ཕྱོགས་དེར་རྗེ་བཙུན་འཇམ་དབྱངས་བྱང་ཆུབ་སེམས་དཔའིའཁོར་དང་བཅས་པ་བཞུགས་པའི་སྣང་བ་བྱུང་ནས་སང་ཆེད་ཀྱིས་མཇལ་བ་ལ་བྱོན་ཏེ། བདག་ལ་ཆོས་འབྲེལ་དུ་འཇམ་དབྱངས་ཀྱི་བསྟོད་པ་ཞིག་སྩོལ་ཞེས་ཞུས་ནས། གང་བློ་མའི་ལུང་མཛད་ཅེས་གྲགས་ཤིང། ཡང་གློ་བོ་རང་གི་ལུང་ནང་དུ་ཕེབས་པའི་ཉིན། དེའི་ཤར་ལུང་ན་བཞུགས་པའི་རྟོགས་ལྡན་དཔལ་ལྡན་ལེགས་པ་ཞུ་བ་ཞིག་ལ་མནལ་ལམ་དུ། རྗེ་བཙུན་འཇམ་དབྱངས་སྨྲ་བའི་སེང་གེ། སེང་གེ་སྔོན་པོ་ལ་ཆིབས་པ་ཞིག་དང་མཇལ། ཁོང་གི་བྱིན་རླབས་ཅིག་ཞུ་ཞུས་པས། ཞལ་ནས་ཡི་གེ་དྷཱིཿ་ཡིག་ཅིགvc: or: yi gcig?གནང་བ་མིད་པས་ལུས་སེམས་བདེ་བའི་ངང་ནས་མནལ་སད་དེ། དེའི་དོན་ལ་བསམ་པས་དེ་རིང་ཤར་ཕྱོགས་ནས་འབྱོན་ཟེར་བའི་བླ་མ་དེ་ནི་མཁས་པར་མ་ཟད་རྗེ་བཙུན་འཇམ་པའི་དབྱངས་དངོས་ཅིག་ཡོད་པར་འདུག་པས་ད་ལྟ་