[A:114]gnang zhig thugs la 'dogs par zhu zhus pas/
lcags thab chu 'dzin sngon po'i sprin rum na//
tsan dan me lce dmar po glog ltar 'khyug//
'ur ding 'brug gi bu mo ngar sgra 'byin//
gan gar 'khor yug yangs pa'i gnas mchog 'dir//
ri shing bdud rtsi'i char rgyun legs phab pa'i//
dang po'i phud de tA ra nyid la 'bul//
de nas rang gi mgrin pa'i lam du myangs//
da lta'i dus na legs bshad kun 'phel zhing//
na chung rkyang zi'i bu mo skyengs te thal//
zhes gsung zhes gtam du sgrog go//
'di dus drung chen sangs rgyas seng ge ba gnas sgo'i khams pa gnas skor ba 'ga' dang bcas gangs ri mtsho gsum skor nas phyir 'ongs pa dang mar lam rnam rgyal chos sder mjal/ de phyin 'phags pa kun dga' bo bzhin bla ma mchog de'i rim gro par bzhugs so//
der paN chen rin po che nyid kyis tshad ma'i mtha' gcod chen mo'i thugs rtsom gnang zhing/ sbyin pa'i bdag po la bka' bsgos nas/ phar tshad sogs gzhung chen rnams par du bsgrubs pa'i par phud la/ 'jam dpal mtshan brjod rgya par ma dang 'gran bzod de brkos shing/ par byang rnams kyang paN chen rin po che'i thugs rtsom du gnang la/ par grub phral gzhung rnams kyi lung dang lhan cig par byang gi lung yang stsal bas/ mnga' ris na lung rgyun bzhugs la bka' 'bum na mtshung snang ngo//
der bdag med rtogs pa'i ting nge 'dzin khyad par can thugs rgyud la 'khrungs/ rma bya byang brtson gyis mdzad pa'i dbu ma'i stong thun gzigs pa'i mod la sngon gyi gnas rjes su dgongs shing/ bcom ldan 'das 'jam pa'i rdo rje dkar po'i zhal 'dzum lhag par gsal bar gzigs pas/ de phyin 'jam dpal dges pa'i bshes gnyen zhes mtshan zur la 'dogs pa gnang zhing/ sngon rnam rgyal chos sder bzhugs