[A:118]gyis bsgrib pa'i cha//
legs byas dri ba'i rlung gzhon gyis//
bstan bcos 'od ris gsal bar mdzad//
ces sogs ched du brjod pa'i snyan mgag dang rjes 'brel gyi dris lan zhig phul bas/ snga ma'i tshig sgra de khegs snang ngo gsung dges pa 'khrungs shing/ yang chos zom lba ba/ mtshan dngos shes rab seng ger grags pa des kyang dris lan zhig phul bas/ de'i don bsdu phyis gser thur du 'dri dgos pa'i rgyu mtshan/ ma dris na bstan bcos chud za ba/ dris lan dngos dang gsum gyi/ bar pa'i cha de khol por phyung ba lta bu'i lan 'debs/ slar dri ba gnad la 'bebs 'dra'i bstan bcos shig spyan lam du thogs pas/ der paN chen rin po che yang dges pa mchog tu 'khrungs te mnga' ris na mdo sngags kyi tshul la sbyangs pa mthar phyin pa'i mkhas pa 'di 'dra yang snang/ ngo mtshar zhes dang/ shes rab seng ger ming btags pa don mthun du 'dug go// zhes kyang yang yang bka' stsol bar mdzad ces/ bdag gi bla ma mkhas pa'i dbang po dpal ldan tshul khrims pa'i gsung las thos so//
de rjes gzhi byes kyi dge ba'i bshes gnyen phra rags kun gyi grwa skor gnang mtshams/ shar nas byon pa'i dpon slob yongs la 'bul ba'i rnam gzhag/ tsan dan jo bos gtso byas pa'i zangs/ gser/ spos shel/ byi ru mu tig/ ras sngon dmar/ bzang drug sogs stod zong spus dag gi 'bul ba dpag med phul/ sgal ma rta nyi shu tsam dge 'dun spyi 'gror phul zhing/ phyis 'di skabs kyi 'phros glang thang spyan snga grub rgyal bas/ stag lung ngag dbang grags pa'i drung tshor zhus pa'i brjod gleng thos pa la/ de dus grwa pa snyoms chung shos la yang lo gsum re'i rgyags mthud yong nges byung zhing/ de las kyang dpon slob sum brgya lo gsum gyi ring dbyar dgun so so'i