[A:125]gu rang dog ces/ de gong sa skya pa la sngagsbsngags pa lta zhog/ mtshan nyid pa rang la yang 'dul ba'i mig rkyen ci yang ma dmigs pa 'dis mtshon to//
gzhan yang gnas brtan tshul blo ba la/ phyis paN chen rin po ches zhal kur gnang dus/ sngon rje don yod dpal ba'i grwa pa rnams rgyal btsugs nas/ khyi shig bsad pa la sdom pa 'chor mi 'chor de la/ da gnas brtan nas ci gsung/ gsungs pas/ los 'chor lags/ 'dul ba na srog gcod pa dang zhes gsungs shing khyi shig la srog yod pa la 'os ci yod/ rgyun du zhu ba ltar 'chad nyan rgyugs len las/ grub mtha'i nges gzung smos ci/ tha snyad gang la'ang brdar ma thogs pa zhig las med/ phyis paN chen rin po che'i sku tshe'i stod la/ mnga' ris pa'i slob gnyer ba 'dra yar slebs dus thun mong zin thun bskyar bas/ rje don yod dpal ba'i grwa rgan yon tan che ba rang du byas pa gcig na re/ khyed kun gyis rig pa sgrims shig/ ngas byams mgon don yod dpal bzang po'i drung du/ mi lo chen po nyi shu rtsa gcig bsdad de/ dpal ldan chos kyi grags pa'i tshad ma sde bdun bya ba las ming ma thos/ mngon pa sde bdun dang kha 'chal de 'dra mis tshor ro zer byung ba la/
blo gsar pa de kun gyi sagyis? //
ye shes la 'jug ka tya bus//
rab tu byed pa dbyig bshes kyi//
rnam shes tshogs ni lha skyid kyis//
chos kyi phung po shA ri'i bus//
gdags pa'i bstan bcos mo'u 'gal bus//
'gro ba'i rnam grangs gsus po ches//
khams kyi tshogs ni gang pos bsdus//
shes mdzad pa po'i dgra bcom pa bdun dang bcas pa'i ming gsal bar brjod pas/ khong bgres po de na re/ 'dug 'dug ngo mtshar che'o zer ba yang byung zhes gtam yod do//
sa pho khyi lo vc: 1478dgung lo lnga bcu nga gcig stengs su/ sngar