[A:124]sum cu so drug gi sa'i kun ra rnying pa 'di bsgrubs shing/ 'di nyid kyi gtsang khang na bzhugs pa'i byams mgon don yod dpal ba'i sku 'dra sku tshad ma 'di rten bzhengs kyi thog mar mdzad cing/ 'di nyid sku dngos ji lta pa'i 'dra len gyis/ dbu'i gtsug tor gsal por 'phags pa yang bcos yod pas/ rab gnas la rje don yod dpal ba rang gdan 'dren zhus pas/ gzigs mo yang yang mdzad nas bzhed cing/ der dbu zhwa zhwa ser cig zhus yod pa bsal bas/ dbu'i gtsug tor gzigs pas/ phyag gis nem mnan nas 'an bu la 'di 'dra mi bdog gsungs pas rjes med du gyur ces de dus dngos su gzigs pa'i mnga' ris pa rnams kyis gsungs pas mnga' ris na grags tshod shin tu che zhing/ bka' las kyang 'di la rab gnas zhal dro rang zhig byung bas/ phyis kyi rten thams cad la bar chad med pa'i rten 'brel rabvc: or: rang?'grig la song zhes gsung/ zhes thos shing/ da lta yang dge ba'i ltas la dbu zhwa rgyab/ mi dge ba la mdun ngos bskyur yong zhing/ rtog pa bcug na zhal gyi gzi mdangs dang/ zhal ngo nag mi nag rang gis legs nyes 'byed par snang ngo//
der me mo bya'i lo vc: 1477dgung lo lnga bcu'i steng du dpyid chos la gzhis ka nas sbyin bdag gnang/ 'brong sgang nas zhabs tog bsgrubs te sreg shing du mdzad pas/ sngar bzhin sa skya paN chen gyi chos khri nyid kyi steng nas dpyid chos mdzad/ der rjes dbyar zhal bzhes 'du khang rnying pa nyid du gnang zhing/ dus tshigs kyi mdo 'don pa sogs la thugs brtson che ba'i khur bzhes mdzad pas/ drung nas chos kyi bzang po bas/ rang re'i rje'i drung chen po ba kun kyang/ dge ldan pa la skrus pa'i dbyar gnas 'dis tha na grwa pa'i chos ka 'tshol ba tshun la zhag bdun las 'gro sa med pa 'di