[A:127]du/ yi ge pa ni blo bzang chos kyi rgyal mtshan no zhes 'byung bas so//
lo tsa ba 'dis kyang tshad ma'i brgyud 'debs kha che paN chen gyi gong ma/ wa gIndra paNDi ta ste paN chen ngag dbang zer ba la/ wa bu paN chen dang/ paNDi ta chos kyi nyin byed kyis rgya gar gyi lam nas zhu yig phul ba'i rgya skad la/ dharma dI pa ka ra zhes bod skad chos kyi nyin byed la chos kyi snang byed du byas pa/ 'jam dbyangs dkar po'i sa bon/ rdzogs pa'i sangs rgyas a las byung/ zhes a thung yin pa la 'brug gsum gyi zlas phye ba'i AH yig tu bris pa sogs dpyad rgyu cung zad cig 'dug kyang/ sngon ni sus kyang gleng brjod ma mdzad snang ngo//
de'i dpyid chos la nyug rgyal khang du phebs shing/ der mnga' ris glo bo nas/ rgyal tshab kun dga' dbang phyug pa'i drung zhing brjes pa'i mang ja zhu mi sleb pas/ lnga mchod pa sogs sngar glo bor bka' chos zhus pa'i grwa rigs/ bdag gi bla ma rje btsun kun dga' mchog grub/ paN chen byams pa gling pa dpal ldan tshul khrims pa sku mched/ brag dkar chos rje yon tan bzang po ba/ dbu mdzad kun rgyal ba sogs drag rigs re res thos mchod la mang ja re zhus zhing/ der paN chen rin po che dang/ dgon pa shar na rje don yod dpal ba bzhugs pa'i yab sras gnyis ka'i drung du bsngo rten so so dang bcas pa zla phyed tsam bsgrubs rjes/ paN chen rin po che'i gsung gis/ nged kyis thos mchod la/ rje rdo rje 'chang gi bka' 'bum gyi lung zhig sgrog gsung/ nyug pa'i phyag dpe'i steng nas pod bzhi ma'i lung zhag re la po ti phyed phyed zhag brgyad la rdzogs par gnang zhing/ sngar smros pa'i mnga' ris pa'i che btsun de rnams kun gyis gsan no//
dbyar zhal bzhes gser mdog can du mdzad cing/ 'di'i lo mngon pa kun las btus kyi dka' 'grel gyi thugs rtsom yang gnang/ de'i grub mtha' bsdus pa dang/ rab byed gsum gyi TI ka yang phyis mdzad do//
de ltar gtsang phyogs su lug spre bya khyi vc: 1475-78ste lo ngo bzhi gdan chags/ gtsang phyogs kyi phrin las kyi rmangs gzhi things nas/ slar glang thang nas spyan snga blo gros rgyal mtshan pa'i chos 'khor rtse'i grwa sdud byas pa'i/ grwa pa 'di phyogs kyi drag bsdus rang 'di dag rab byung gnang ba'i ched du de nas zhabs ma bskyod na/ nged rnam pa che phra kun gyi bsam pa gtan mi gang ba yod pas shes nan zhus rang gnang ba'i dbang las/ dbus phyogs su chibs kha bsgyur ba gnang skad do//
'di skabs rnam thar rje dbon mar/ gser 'phyang me mo bya lo vc: 1477'phebs gsung ba ni thugs rtog ma chug pa yin te/ de ltar na lo bzhi gtsang du bzhugs shes gong du bris pa la lo gcig mi tshang bas so//
de nas sa pho khyi lo vc: 1478smin drug gi zla ba ngo dkar tsam la gtsang phyogs nas zhabs zung gi 'khor lo bskyod bde bar bskul te/ rin spungs nas dpon slob thams cad la gsol phogs/ lam chas rgya cher btab nas/ sde snod 'dzin pa brgya phrag lnga lhag tsam gyis mdun nas bdar bzhin du/ ngur smrig gi jo mo sgrol ma'i drung du snyan dar/ dkar me/ gser chab zhus/ dpon slob yongs kyis lhan cig gsol btab gnang nas/ rim gyis dpal bde dang/ gong dkar/ lum pa rnams kyi zhag phog dang bstun pa'i zhabs tog bsgrub pa'i ngang