[A:130]pas mthong min kyang//
shin tu zab mo'i rnam dpyod gsal ldan pa//
gting mtha' med pa'i blo gros legs byas shes//
brtsang dris brtags pas mkhas pa phal gyi gting//
yongs su mi rtogs gangs can ljongs 'dir su//
gang nas smras kyang de nyid la sbyangs tshul//
blo gros mi zad spobs pa brtsegs par grags//
dus 'khor rin chen gzhal med khang bzangs rtser//
blo chung phal gyis bgrod pa'i spobs med la//
rigs ldan ye shes gzigs pa'i yul 'dzin khyod//
dka' ba med par tshul der byang chub gyur//
thos tsam mkhyen pa'i rang bzhin khyed la yang//
ma thos sgrib byed snyems byed 'di mtshar to//
yud kyis nyer dgongs the tshom phra ba'i cha//
khyed thugs la 'jug gzhan ngor ston min nam//
bzod pa'i rang mtshan bzod 'bras yid 'phrog sku//
drang po'i rang babs drang por stsol ba'i gsung//
gdod nas rab zhi gdod nas dag pa'i thugs//
yon tan rgyan ldan yon tan 'od ltar 'khums//
bstan dang 'gro ba'i don byed gang gi thugs//
yongs su bskul bas 'bad med chos ston gsung//
dad pa'i shing rta 'dren byed yid 'phrog sku//
thugs gsung sku yi dkyil 'khor lta na sdug//
yi dam yongs grub gzigs pa'i dpal gang gis//
gzhan dbang mdzes pa'i gar bsgyur ngo mtshar gnas//
kun brtags gdul bya'i ngor yang brtse ba can//
ye shes rab bkra'i spyan lnga lhun gyis grub//
ces paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ yid dam gyis rjes su gzung ba dang mngon par mkhyen pa'i gnas las bsgrags pa'i rab tu byed pa bcu drug pa'o//
Chapter 17: mkhas pa'i mdzad pa'i mig 'phrul
der rgya ma'i gtsug lag khang der gzhi