[A:132]gnang nas/ rje btsun 'jam dkar gyi bris thang sman bla don grub pa'i gzabs bris ma chung chung zhig yod pa'i drung du mchod pa gsar pa re bshams/ paN chen nyid kyang re shig dbu gtums nas thugs dam bzlas brjod kyi tshul re dang/ sha sha dha ra dang/ ri bong 'dzin pa ltar dkar sogs skad gnyis spel ba'i 'jam dkar gyi bstod pa de gsung nas// gang yin pa'i thugs rtsom la 'jug pa yin no gsung zhing/ chos rje drung btsun pa ni/ ngas bsams na mched po lo tsa ba rang yang sangs rgyas kyi ye shes kyis bzung ba'i nyan thos mchog gi tshul 'dzin par ka 'dug/ ding sang sde pa kun gyi yig mkhan 'di dag nyin re bzhin dang/ yi ge'i spor rtsom gyis dus 'da' bar 'dug ste/ tshig re nas len pa'i sdug brtsir 'di la/ bstan bcos chen po mtha' dag ni thugs rtsom shog logs re lan re las skyor mi dgos pa ya mtshan rmad du byung bar go/ zhes lan brgyar gsungs pa thos so//
der rgya ma nas glang thang du phebs/ dbyar snga ma nas zhal bzhes gnang zhing/ sngar paN chen rin po che mnga' ris su lo gsum bzhugs ring bstud mar ser bas lo tog bcom pas sngags pa mthu bo ches ser srung la bad dgos pa de la/ da lo paN chen rin po che bzhugs phyin lo gnyer gyis gang byed ces yul mi kun ngag 'cham nas gtad med du bzhag pas lo dgra'i rnam pa cung zad kyang ma byung bar/ de lo las lo legs pa mi dran pa byung ngo//
der dge 'dun tshogs kyi dbu la paN chen rang yang phebs nas/ spyan snga blo gros rgyal mtshan pa'i drung du thub pa dgongs gsal gyi bshad lung zhang mdo sde dpal ba'i dgongs 'grel dang sbyar ba dang/ logs su paN chen rin po che rang gis gsang 'dus kyi 'grel bshad/ bu ston rin po ches mdzad pa'i mtha' drug rab