[A:133]gsal gyi lung gsan no//
dbyar ring spyan snga blo gros pas mkhan po dang/ paN chen rin po che'i drung gis slob dpon gnang nas/ thus btsun gtos che ba rang la rab byung gnang zhing/ mkhas pa chen po lcang ra ba'i drung yang de lo rab byung gnang te mtshan blo gros bzang por btags pas shes so//
der tshogs pa rnams dang skye bo grangs med pa la/ 'phags pa brgyad stong pa'i bshad lung gzab rgyas gnang zhing/ de dus gnang ba'i brgyad stong pa'i bshad tshoms don bsdu'i gsung rgyun snar thang pa shes rab tshul khrims kyis yi ger bkod pa'i dpe dngos khong rang gi phyag nas drung btsun bzang po brtan pa'i phyag tu gnang ba khong gis bdag la stsal kyang da lta mnga' ris su lus/ de nas dpe gzhan ma 'phel bas yid lhag par 'phreng ngo//
der grwa gsar slob gnyer ba rnams chos 'khor rtser slob grwa gsar 'dzugs gnang zhing/ dbyar gyi dgag dbye thon rjes glang thang pa'i che btsun grong chen ma lus pas rang rang gi khyim du spyan drangs nas bsnyen bkur dang 'bul ba rgya cher phul zhing/ de skabs grog mkhar nang so la bar brgyud mdzad/ stag lung ngag dbang grags pas spyan 'dren gnang/ rin chen sgang du grags pa'i stag lung ba'i dgon gzhis nyan po'i mdun der mjal/ bka' 'brel gyi thog mar rje thams cad mkhyen pa phyogs las rnam rgyal ba'i zhal gzigs kyi dbyangs can ma dkar mo'i rjes gnang de gsan pa'i phyags phyir bdag gi bla ma dpal ldan tshul khrims pas kyang gsan zhing/ drung yig chos rgyan pa yang yod ces gsung ngo//
de stag lung ngag dbang grags pa dang mjal ba'i sngon ma rang yin/ der stag lung ngag dbang grags pas gos bem ha hUM ri mo me tog zlum 'dzings