[A:136]na ning nged la yi ge bskur byung ba'i nang na/ sa skya pa gong ma lnga'i bka' 'bum blor chud zer ba 'dug/ ding sang sa skya'i bka' 'bum blo la yod pa khong tsam ka yin/ nged kyang bsam pa rdzogs pas che bkur gyi yig lan byas kyang/ da de lung chung der phangs pa yod de/ bya ba sngon gyi las kyi rang yin par 'dug go// gsung zhes dngos kyis nged dang sgros byung ba las so//
de dus gnang ba'i bka' shog gi nang na yang 'di ltar/
dpal ldan shAkya seng ge de'i//
gsung rab mtha' yas yi ge'i gzugs//
rnam dpyod glegs bur rab bsdus nas//
tshul khrims ske rags mdzes pa can//
rdo rje 'chang gi gsang ba la//
blo gros goms pa 'dor mdzad khyod//
mkhas pa mkhas par yongs shes pa'i//
yon tan rgyan phreng dpag dka' ba//
sogs chab shog bka' 'bum nang na 'di las bstod bkur che ba ma gsungs pas mtshan no//
de ltar paN chen rin po che nyid kyi zhal lung las/ blo gros yongs su smin pa'i mkhas pa bgrangs bar mi dpogs pa tsam gyis/ stod mnga' ris/ smad mdo khams/ bar dbus gtsang ru bzhi'i khyon ma lus pa khyab pa'i rnam dkar gyi phrin las yar ngo'i zla ltar rgya cher 'phel zhing/ de dus srod kyi cha la bsdus sbyor zur rno ba 'ga' re'i zhal spor gnang nas/ nyin rangs rgyal ba'i bka' dang dgongs 'grel gyi don 'chad nyan byas pas/ da lta'i kha 'chal an tsam 'di la sangs rgyas byang sems kyis mi khrel las che yang gsung zhing/ yi ger 'khod pa'i gsung rab kyi nang na yang/
kha ba can du phyis grags pa'i//
rdzas dang ldog pa'i bstan bcos ni//
'dzin byang kun chub smos ci 'tshal//
thos par gyur tshe rna ba dgab//
ces gsungs pa ltar shes par ba'o//
de nas sngar gong du brjod pa ltar/ rang