[A:55]ston yang zhu yig dang bcas ngor dgon gsar du phyin/ chos rje rdo rje 'chang chen po mjal/ de dus rdo rje 'chang dgung lo bdun cu pa'i stengs su yin zhing/ dus chos kyi lam 'bras la bzhugs/ gzhan zur bka' gsang 'dus mi bskyod pa/ bdag med lha mo bco lnga/ bde mchog lu hi pa rnams kyi dbang/ sa skya pa'i mchog sgrub pa'i dmar mo skor gsum/ thun mong sgrub pa'i dmar po skor gsum/ lam zab bir srung sogs lam 'bras kyi cha lag thor tsam thob rjes lo gsar pa/ paN chen rin po che nyid dgung lo nyer lngar phebs pa chu pho spre'u'i lo/ mkhan po ngor chen kun dga' bzang po dang/ las kyi slob dpon khwa char byang chub sems dpa' bsod nams rgyal mtshan pa dang/ gsang ste ston pa'i slob dpon mus chen dkon mchog rgyal mtshan pa dang/ dus sgo ba 'jam pa'i dbyangs shes rab rgya mtsho grags pa dpal dang/ grogs dan rgyal tshab dam pa kun dga' dbang phyug dang/ kha skong gi dge 'dun sems dpa' chen po legs pa'i shes rab/ mnga' ris pa dkon mchog 'od zer/ bla ma nam mkha' dpal bzang pa/ dol bu rgyal ba 'phel rnams kyis mdzad nas/ ngor dgon gsar bla ma'i gdan sa de nyid du bsnyen par rdzogs shing/ de dus bsgrub bya rogs gnyis 'dug pa dge bsnyen dge tshul nas skyor gyin snang/ nged kyi rje rong ston drung du sems tshim par thob pas ma bskyar bar bsdad pas/ chos rje kun dga' dbang phyug pas rje'i dgongs pa blangs pa'i/ 'di'i phyag len yang yin zhing/ bskyar ba 'thad gsung pa'i bka' lung byung ba la/ rang res rab byung dge tshul rje rong ston drung du thob/ thob sa bzang po yin pa'i yus yod pas mi skyor zhus rjes/ chos rje kun dga' ba'i