[A:56]drung gis/ de dus sku na phra ba tshun nges 'byung gi bsam pa sogs gsal ma thebs pa yang srid pas cis kyang da res skyor ba legs zhes bka' nan byung yang/ nges 'byung gi bsam pa sogs tshad ma rgyud la skyes pa'i nges shes brtan po'i yid ches yod pas gtan mi skyor byas nas mgo khregs po byas/ der bsnyen rdzogs las ma bsgrubs shes dang/ phyis bka' las/ rang res tshig snga ma 'di rnams rong chen thams cad mkhyen pa'i zhal sngar thob pa yin pas gsung dpa' bo'i gtsigs gtsigs mdzad cing/ yang bka' las da lta 'di na rong ston chen po nas brgyud pa'i dge tshul dang rtsad gcod mi rang mi 'dug kyang/ khams tsho na rje rong chen pa'i zhal slob bgres po 'ga' re bzhugs pa khong gis gsan na dges yong ba yin yang/ gsung ngo zhes yongs su grags so//
skabs 'dir rnam thar rdor rgyal mar dgung lo nyi shu rtsa lnga'i stengs su/ chos lung tshogs pa'i mkhan brgyud las bsnyen par rdzogs shes 'byung ba ni rnam par ma brtags pa yin te/ 'dir kha che paN chen nas rdo rje dpal/ 'od zer dpal/ bsod nams dpal/ bkra shis tshul khrims zhes tshogs bye rdzing pa'i mkhan rims smos nas/ bkras tshul ba la shar pa ye shes rgyal mtshan pa/ des rje ngor pa/ de'i drung du bsnyen par rdzogs pas so//
yang snga mo'i gsung sgros 'ga' rer nged rang bsnyen par rdzogs pa de lo nyer drug yin kyang/ 'dir tshig gi sdebs sbyor ngor nyer lnga zhes smos gsung bar grags kyang don la mi gnas te/ paN chen rin po che nyid dgung lo nyer drug gi skabs/ chu mo bya'i lo vc: 1453bsnyen rdzogs zhu ba'i yul mkhan por gyur pa chos rje rdo rje 'chang chen po dang/ grib tshod pa rje kun dbang pa gnyis glo bo brag dkar na bzhugs/