[A:57]dus sgo ba 'jam dbyangs shes rab rgya mtsho glo bo rnam rgyal chos sde'i mkhan po dang/ las slob khwa char byang chub sems dpa' mnga' ris gung thang gi nam gling gi mkhan po gnang/ las kyi kha skong savc: or: skongs?sems dpa' chen po legs pa'i shes rab pa pu rangs rgyal byed tshal gyi chos dpon du bskos/ mnga' ris pa dkon mchog 'od zer ba dang/ bla ma rgyal ba 'phel/ nam mkha' dpal bzang pa gsum ka yang rang rang gi mnga' ris kyi yul so sor byon/ ngor dgon par gsang ston rje mus chen gcig po las mi bzhugs pa dang/ dgung lo nyer drug la dbus nyid las gtsang phyogs la gtan ma phebs pas mtshon par byos shig//
yang rnam thar rje dbon mar de res dgung lo nyer lnga'i dus 'dir bsnyen rdzogs ma bzhes pas/ slad nas lo gsum song ba'i dus slar bsnyen rdzogs zhu ba la byon zhes pa bris yod kyang/ 'di ni phyi ma sa skyar grwa skor mdzad pa'i dus yin cing/ de lta na dgung lo nyer brgyad stengs su bsnyen rdzogs bzhes pa sogs thal ches so//
der bsnyen par rdzogs pa'i rjes thogs nyid du lam 'bras kyang grol zhing/ slar nyung bsdus kyi gdul bya 'os su gyur pa dag la rdo rje rnal 'byor ma'i rtsa dbu ma'i khrid gsung ba yang gsan/ 'di skabs rang re'i mtshan nyid pa 'di chos rgyus chung bas nged la zla bo rnam pas/ da 'bul sdud 'phyis/ dbu ma rtsa ba'i gzhung ni shes/ khrid kyis ci bya zer/ gdags pa ma chags pa'i skyor zlos/ drung btsun shes rab dpal 'byor bas rtsa dbu ma'i khrid gsan dus gsan pa'i sgros so//
'di skabs slob dpon khwa char byang chub sems dpa' la sbyong dkyil bcu gnyis/ gur saM/ kye rdor bka' babs phyi ma/ rdo rje 'jigs byed rwa lugs ro langs rgyudbrgyudbrgyad skor gyi dbang