[A:77]tas mdzad pa la ched du brjod pa'i tshul du gzhung dbu zhabs tshang ma bshad pa dang/ de'i rgyab 'grel mtshon par/ sgra mdo ka lA pa/ snyan ngag me long/ sdeb sbyor rin chen 'byung gnas/ mngon brjod a ma ra ko Sha/ klu kun tu dga' ba'i zlos gar/ sman dpyad yan lag brgyad pa/ thon mi sambho Ta'i sum rtags/ samaRa ti dznyA na'i smra sgo/ rje btsun rtse mo'i byis 'jug rnams dang/ sku'i phyag tshang dus 'khor dang sdom 'byung nas bstan tshul/ nang rig gi mtshon byed rgyud la 'jug pa'i sgo ste/ rgyud sde spyi rnam dang/ chos la 'jug pa'i sgos mtha' brten nas tshogs su chos khri khar mtha' dpyad rgyas shing smin pa spyi 'gror stsal zhing/ slar gzhi thog nyid du sa skya'i che dgu 'ba' zhig gi nang chen gral dbus su kye rdor rgyud gsum/ sems 'grel skor gsum/ 'jam dpal mtshan brjod dang/ 'jam dpal zhal lung/ sgrub thabs mdo byas/ mdo sde rnam gzhag rim pa/ spyod bsdus sgron me sogs kyi sngags gzhung/ de dag gi bshad tshom dang/ mthar rab tu gnas pa'i rgyud kyi bshad pa rgyas pa'i bar gnang zhing/ der dpal ldan sa skya'i gnas dang/ gong ma lnga la mtshan spel ba'i mchod brjod gnang nas sgo gong du sbyar bas 'di lta bu'i snyan ngag su zhig gis bris zhes gleng ba na/ de'i phyi nyin/ de skad smra ba nga yin sogs nga brgyad ma sbyar byang du bkod do//
phyags phyi tshal pa rin rgyal phra phu ba sangs rgyas bzang po la sogs pa rnams kyis spyi 'gro'i grwa skor yang dag dang/ khyad par rigs pa'i sgo nas grags pas sa stengs ma lus pa khyab par byas so//
tshul 'di dag rnam thar gsum gar du mi 'byung mod kyang/ de'i dus kyi gzhung las par gyur pa sa skya pa las chen yon tan