[A:78]rgya mtsho ba dngos las/ gting skyes rab 'byams pa sde bdun dbang phyug rgyal mtshan pas gsan pa'i ngag rgyun 'phel ba las rnyed pa dag go//
der 'dus pa'i mkhas rmongs nas byis pa'i bar rang dbang ma mchis pa'i dad pa'i spu long g.yos shing/ rgyang ring po nas kyang sku'i rgyal mtshan mthong ba'i mod la phyag 'tshal ba dang/ ngag nas ched du brjod pa'i nga ros skyabs su mchi/ zhes thal mo sbyor bar byed pa'i mos dge'i sa bon rgya cher bskrun nas/ slar e waM chos ldan bla ma'i bzhugs gnas ngor dgon gsar du phebs shing/ de rjes rje btsun rdo rje 'chang chen po dges pa mchog tu 'khrungs te bzhugs gdan gyi bkur sti sogs kyang blo 'das kyi dbu 'don stsal bas/ phyis ngor tshor rgyal tshab kun dbang pa'i dus phebs skabs kan tsa'i stengs su phebs shing/ rje bla mas stsal ba'i gdan khur yin no gsung/ sngar gyi bzhugs gdan mtho la spus gtsang ba'i bkur sti ma nyams par mdzad pa'i tshul/ ngor zur 'chang ba slob dpon bsod nams sangs rgyas pa'i dbon po'i kha sgo nas thos so//
der rje rdo rje 'chang chen gyis grwa skor gyi legs ja'i stengs su/ sngon sa skya paNDi ta la kha che paN chen gyis gnang ba yin gsung ba'i ston pa'i rgya sku li ma/ 'gro mgon 'phags pa rin po che'i snam sbyar re nyid kyi sku la rgyun bzhes lo nyi shu rtsa lnga gnang/ de'i ring gi rab gnas dbang bskur bsnyen rdzogs sogs kyi byin rlabs can/ hor gos lu haM sku dreg dang bcas pa tshul khrims kyi dris phyogs bcur khyab pa de dang/ dbus gong ma grags pa 'byung gnas pas phul ba'i gsol lhung rnams stsal zhing/ 'di dag byams pa'i nang bzhugs nyid la yod nges dkar chag gis mtshon par nus la/ gzhan rje nyid lta zhog phyag g.yog gi grwa skor gnang ba'i tshal pa rin rgyal