[A:83]rin rgyal ba la pho ba na ba'i nad ro zhig 'dug pa la phan byed/ sangs rgyas mkha' 'gro ma dkar mo'i byin rlabs dang/ rdo za ba'i man ngag zhu yin 'dug pa yang lhan du zhus/ der lam la zhugs nas yongs pas stag gru khar glang thang nas spyan snga sku gzhon pa blo gros pa'i drung mus su spyan snga kun rdor ba 'byon pa'i snyan zhus dang/ de lo ngor tshor dgun chos kyi lam 'bras gsan pa la byang lam la byas stag pa ru ba brgyud phebs pa dang mjal/ gnas tshul rnams phul bas mnyes mnyes dpa' spo'i dges dges mtha' med gnang zhing/ nged rnams la yang rong chung gi lam g.yang sa can de 'dra la 'byon du ga la rung bas/ nged skyel mi'i 'brog pha ba de rnams la bcol dam byed pas byang lam la byon gsung nas bka' bzhin phyin/ skal dang nam zla bzang ba rang gi dus yin pas skyid par dgon gsar du sleb/ de na rdo rje 'chang gi dngos slob ru pavc: or: pha?bka' bzhi par grags pa de bzhugs 'dug pa dang mjal dus 'khor gyi dka' 'phrang ma bde ba 'dra'i dri ba phul bas yid ches pa'i lan 'debs stsal/ phyis dus 'khor zhu ba la yod pa'i snyan gsan btab nas glang thang du yongs/ spyan snga rin po che kun dga' rdo rje'i drung dang mjal/ yar phyogs kyi skad cha phul bas khong pa yang thugs bskul ba ltar song nas de lo ka de 'phral ngor la chibs kha bsgyur/ dgun bzhugs dang dus mchod kyi lam 'bras gsan rjes sku mched gnyis ka mus su chos zhu ba la thegs skad do//
'phags yul paN chen gsung gi nges gsang ni//
legs sbyar skad las 'chi med bdud rtsi blangs//
zhabs bsten dregs ldan lo tsas ma myong ba'i//
ngo mtshar gdams pa'i khu bcud khyod kyis bzhes//
rig 'dzin