[A:88]sbyong mthar phyin rang zhig da lta ru dgon sar rang na bzhugs snang bas rang res kyang mar lam mjal/ sngags spyi dang/ khyad par dus kyi 'khor lo la dus ding sang 'gran zla kun bral du 'dug pas de kun kyang spyan drangs na 'os zhus pas/ der spyan snga sku mched drung gi gsung gis de 'dra sngar ma nges/ 'o na di ring nyi ma me bzhi'i khri la bzhugs pa'i 'grub sbyor bzang po yang yod pas da lta rang zhu yig bris nas rdzong gsung/ de'i nyin rang dge rgan seng ge rgyal mtshan gyis gtsos pa'i chibs sga la sogs yang dag dang bcas rdzong ba gnang/ der nged rang gis rag ma la khar chibs bsu la phyin pas mjal dus/ nged ni nangna ning khyed dang mjal ba de phyin ni khyed rang sems pa zhig byung gsung zhing/ der spyan snga sku mched drung gis gtso mdzad nged dang bcas pa'i dbang cha gcig la/ chos rje bla ma dam pa bsod nams rgyal mtshan pa'i mngon dkyil steng nas dus 'khor gyi dbang ngor dgon sar btab lo rang rje rdo rje 'chang gis gnang ba'i phyag len ji ltar dbang gi sgo 'byed thog mar stsal//
'di skabs rje rdo rje 'chang gi gsung sgros/ sngon 'jam dbyangs grags pas byang shambha lar drang srong bye ba phrag phyed dang bzhi chos rgyal zla ba bzang pos bzhengs pa'i blos bslangs drung du dbang bskur sgrub byed du bzhag/ ding sang dus 'khor ba kun/ dbang gi brten bya'i dkyil 'khor blos blangs dang/ dbang mi grangs med byed pa zhig 'dug kyang/ sa skya paNDi tas/
'phags pa rnams kyi gang zag rab//
sprul pa yi ni dkyil 'khor du//
dbang bskur mdzad ces gsung pa ni//
sngon gyi cho ga 'phags pa'i yin//
zhes gsungs pa ltar sngon chog yan nges pas/ 'die rgyud 'grel nyid las/ dbang bskur ba bdun po 'di dag ni rdul tshon gyi dkyil 'khor du bcug nas sbyin/ zhes gsungs pas grub bo sogs kyi gsung