[A:88]སྦྱོང་མཐར་ཕྱིན་རང་ཞིག་ད་ལྟ་རུ་དགོན་སར་རང་ན་བཞུགས་སྣང་བས་རང་རེས་ཀྱང་མར་ལམ་མཇལ། སྔགས་སྤྱི་དང། ཁྱད་པར་དུས་ཀྱི་འཁོར་ལོ་ལ་དུས་དིང་སང་འགྲན་ཟླ་ཀུན་བྲལ་དུ་འདུག་པས་དེ་ཀུན་ཀྱང་སྤྱན་དྲངས་ན་འོས་ཞུས་པས། དེར་སྤྱན་སྔ་སྐུ་མཆེད་དྲུང་གི་གསུང་གིས་དེ་འདྲ་སྔར་མ་ངེས། འོ་ན་དི་རིང་ཉི་མ་མེ་བཞིའི་ཁྲི་ལ་བཞུགས་པའི་འགྲུབ་སྦྱོར་བཟང་པོ་ཡང་ཡོད་པས་ད་ལྟ་རང་ཞུ་ཡིག་བྲིས་ནས་རྫོང་གསུང། དེའི་ཉིན་རང་དགེ་རྒན་སེང་གེ་རྒྱལ་མཚན་གྱིས་གཙོས་པའི་ཆིབས་སྒ་ལ་སོགས་ཡང་དག་དང་བཅས་རྫོང་བ་གནང། དེར་ངེད་རང་གིས་རག་མ་ལ་ཁར་ཆིབས་བསུ་ལ་ཕྱིན་པས་མཇལ་དུས། ངེད་ནི་ནངན་ནིང་ཁྱེད་དང་མཇལ་བ་དེ་ཕྱིན་ནི་ཁྱེད་རང་སེམས་པ་ཞིག་བྱུང་གསུང་ཞིང། དེར་སྤྱན་སྔ་སྐུ་མཆེད་དྲུང་གིས་གཙོ་མཛད་ངེད་དང་བཅས་པའི་དབང་ཆ་གཅིག་ལ། ཆོས་རྗེ་བླ་མ་དམ་པ་བསོད་ནམས་རྒྱལ་མཚན་པའི་མངོན་དཀྱིལ་སྟེང་ནས་དུས་འཁོར་གྱི་དབང་ངོར་དགོན་སར་བཏབ་ལོ་རང་རྗེ་རྡོ་རྗེ་འཆང་གིས་གནང་བའི་ཕྱག་ལེན་ཇི་ལྟར་དབང་གི་སྒོ་འབྱེད་ཐོག་མར་སྩལ༎
འདི་སྐབས་རྗེ་རྡོ་རྗེ་འཆང་གི་གསུང་སྒྲོས། སྔོན་འཇམ་དབྱངས་གྲགས་པས་བྱང་ཤམྦྷ་ལར་དྲང་སྲོང་བྱེ་བ་ཕྲག་ཕྱེད་དང་བཞི་ཆོས་རྒྱལ་ཟླ་བ་བཟང་པོས་བཞེངས་པའི་བློས་བསླངས་དྲུང་དུ་དབང་བསྐུར་སྒྲུབ་བྱེད་དུ་བཞག། དིང་སང་དུས་འཁོར་བ་ཀུན། དབང་གི་བརྟེན་བྱའི་དཀྱིལ་འཁོར་བློས་བླངས་དང། དབང་མི་གྲངས་མེད་བྱེད་པ་ཞིག་འདུག་ཀྱང། ས་སྐྱ་པཎྜི་ཏས།
འཕགས་པ་རྣམས་ཀྱི་གང་ཟག་རབ༎
སྤྲུལ་པ་ཡི་ནི་དཀྱིལ་འཁོར་དུ༎
དབང་བསྐུར་མཛད་ཅེས་གསུང་པ་ནི༎
སྔོན་གྱི་ཆོ་ག་འཕགས་པའི་ཡིན༎
ཞེས་གསུངས་པ་ལྟར་སྔོན་ཆོག་ཡན་ངེས་པས། འདིཨེ་རྒྱུད་འགྲེལ་ཉིད་ལས། དབང་བསྐུར་བ་བདུན་པོ་འདི་དག་ནི་རྡུལ་ཚོན་གྱི་དཀྱིལ་འཁོར་དུ་བཅུག་ནས་སྦྱིན། ཞེས་གསུངས་པས་གྲུབ་བོ་སོགས་ཀྱི་གསུང་