[A:95]zul bu sogs sde dgon yor yi ge bskur nas/ shes mi e yod bang chen rim par brdzangs pas/ yi ge phyed mi gcig kyang ma byung nas/ der blo gsal ba 'dras snye thang chos rdzong tshor?chor paN chen blo brtan pa yab sras bzhugs dus sgra dar bas da lta yang shes mi e srid/ gzhan dbus gzhung thal ba 'di na med/ grwa phyogs su mi gnang dges e yin zhu mi byung bas/ der snye thang phyogs bang chen brdzangs pas da lta 'di phyogs na paN chen yab sras de rnams gshegs rjes rig gnas kyi 'chad nyan stongs nas med/ sngar 'dir byon pa'i gnas sgo'i slob dpon chos legs par dgongs pa ni ding sang grwa tshang gi zhu don la gzhis ka de rang na bzhugs yod pa khong gis rgyu mtshan 'bul thub nges yin zhu ba byung bas/ der tshod bgam pa'i phyir paNDi tas bkra shis kyi tshigs bcad gcig mdzad nas/ 'di di ring 'dir dgos pa byung bas khyed kyis bsgyur e thub gsung/ glang phu nang pa'i ngo mkhyen gcig paN chen rin po che'i drung du btang bas/ de ma thag de rang la mchan bu gnang skad gnyis bsgyur nas phul ba de paNDi ta la gzigs phul bas/ mahA lo tsa ba a tse 'dir da lta bos/ min na nga khong gar yod sar skyol gsung byung bas/ de ma thag spyan drangs der sne pa'i bzhugs gral dbus su paNDi tas stag lung nas byung ba'i phyag dam rgya skad ma de gnang byung ba thog mar legs sbyar gyi skad du tshar gcig thags thogs med par bsgrags pas paNDi ta mnyes byung/ de mtshams bod skad du bsgyur nas/ paNDi ta khyed kyi yul gang yin/ rigs ci/ sde pa bzhi po gang yin/ rten dge tshul dge slong gang yin/ mkhan slob kyi ming gang/ mdo sngags gang la mkhas/ bod la byon nas lo ji tsam song/ da lta khams snyoms sam/ 'di dag gi lon